Ձմեռը վերադարձել է Հայաստան (ՎԻԴԵՈ)

ԵՐԵՎԱՆ, 4 մարտի./Նովոստի–Արմենիա/. Հայաստանի տարածքում ջերմաստիճանի կտրուկ նվազում է։ Մարզերի մեծ մասում գրանցվում են տեղումներ, նույնիսկ` ձյան տեսքով։

ՀՀ ՇՄՆ Հիդրոօդերևութաբանության և մոնիթորինգի կենտրոնի պետի տեղակալ Գագիկ Սուրենյանը Թալինից ձնառատ տեսանյութ է հրապարակել։

«Ձմռան վերադարձը Թալինում», – գրել է նա` հրապարակելով տեսանյութը։

Ավելի վաղ հայտնի էր դարձել, որ Հայաստանին են մոտենում արկտիկական ցուրտ օդային հոսանքներ, ինչի հետևանքով օդի ջերմաստիճանը մարտի 4-ին և 5-ին աստիճանաբար կնվազի 6-8 աստիճանով։

Մայրաքաղաք Երևանում մարտի 5-ի երեկոյան ժամերին, 07-ին ժամանակ առ ժամանակ սպասվում է անձրև։

Մարտի 4-ի ցերեկը, 5-ի գիշերը, 6-ին սպասվում է առանց տեղումների եղանակ։

Երևանում մարտի 5–ի գիշերը սպասվում է մինչև -3, ցերեկը` +7...+9։–0–