Ծառուկյանի խափանման միջոցի հարցով դատական նիստի հետաձգումը, նոր մեկուսարան «Արաբկիր» ԲԿ-ում. ամփոփում ենք հունիսի 17-ի լրահոսը

ԵՐԵՎԱՆ, 18 հունիսի./Նովոստի-Արմենիա/. Ներկայացնում ենք չորեքշաբթի՝ հունիսի 17-ի առավել ուշագրավ նորությունները:

• ՀՀ-ում հունիսի 17-ի, ժամը 11:00-ի դրությամբ հաստատվել էկորոնավիրուսային հիվանդության ընդհանուր 18033 դեպք, որոնցից 6814-ն` առողջացած, 302-ը` մահվան ելքով: Մեկ օրվա ընթացքում ունենք COVID-19-ով վարակման 544 նոր դեպք, 243 առողջացած, մահացել է 9-ը մարդ։

• «Արաբկիր» ԲԿ–ում բացվել է հերթական մեկուսարանը կովիդ-կասկածելի փոքրիկ պացիենտների ընդունելության համար։

• Նախօրեին Շենգավիթի դատարանում տեղի ունեցավ ԲՀԿ առաջնորդ Գագիկ Ծառուկյանի խափանման միջոցի հարցով դատական նիստը, որի շարունակությունը տեղի կունենա այսօր 16.30-ին:

• Այսուհետ պարետի նոր որոշմամբ ՀՀ բոլոր քաղաքացիների համար կլինի պարտադիր անձը հաստատող փաստաթղթի կրումը։

• ՀՀ առողջապահության նախարար Արսեն Թորոսյանը հայտնել է, որ վերջին 10 օրերի համաճարակաբանական միտումները ավելի դրական են:

• Ադրբեջանական մի կայք ապատեղեկատվություն է տարածել. ՊԲ-ն հերքել է: 

• Հուլիսին կկայանա նոր տեսակոնֆերանս ՀՀ ԱԳ և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի միջև: -0-