570.6
6.64
485
+27
Եղանակը Երևանում
Հայ

Բժշկի մոտ՝ առանց հերթի. Երևանի պոլիկլինիկաներում ներդրվում է էլեկտրոնային հերթագրման համակարգ (ՖՈՏՈ)

15:53
23 Սեպտեմբերի 2019

ԵՐԵՎԱՆ, 23 սեպտեմբերի./Նովոստի–Արմենիա/. Քաղաքացիների կապը պոլիկլինիկայի հետ սկսում է տեղամասային թերապևտին, մանկաբույժին կամ ընտանեկան բժշկին այցից: 

Այդ այցերի անբաժան մասը կազմող մեծ հերթերն ու ժամանակի կորուստը շուտով անցյալում կմնան: 

Երևանի պոլիկլինիկաներում ներդրվել է հերթագրման էլեկտրոնային համակարգ, հաղորդում է Երևանի քաղաքապետարանի մամուլի ծառայությունը: 

Քաղաքապետարանը ծրագիրն իրականացնում է «Արմեդ» Էլեկտրոնային առողջապահության ազգային օպերատորի հետ: 

«Տարիներ շարունակ պոլիկլինիկաներում եղել է խնդիր հերթերի հետ կապված և քաղաքացիների արդարացի դժգոհությունը: Էլեկտրոնային հերթագրման համակարգը ևս մեկ քայլ է մեր քաղաքացիներին էլ ավելի հասանելի և մատչելի դարձնելու պոլիկլինիկաների մատուցած ծառայությունները»,-նշում է քաղաքապետի տեղակալ Սերգեյ Հարությունյանը:

Հերթագրման համակարգն այսօր արդեն իսկ ներդրվել և գործում է Երևանի 13 պոլիկլինիկաներում: Ծրագիրը հնարավորություն է տալիս քաղաքացիներին տնից, աշխատավայրից կամ հարմար այլ վայրից ընդամենը հեռախոսազանգի միջոցով, չկորցնելով ավելորդ ժամանակ ու նյարդեր, հերթագրվել տարածքային թերապևտի մոտ հարմար օրը և հարմար ժամին:

Հերթագրումները կատարավում են աշխատանքային օրերին՝ ժամը 09:00-ից մինչ 17:00-ն:

Հերթագրման համար առանձնացվել են հատուկ հեռախոսահամարներ: Դրանք փակցված են բոլոր պոլիկլինիկաներում: Հերթագրվել հնարավոր է նաև այցելելով պոլիկլինիկա:

Համակարգում ներբեռնված են քաղաքացիների հիմնական տվյալները: Այցի օրը նշանակված ժամից մի քանի րոպե շուտ պետք է մոտենալ մատենավարման բաժին, որտեղ կտրամադրվի այցելության թերթիկն ու անկետան:

Գրանցումները կատարվում են այնպես, որ յուրաքանչյուր քաղաքացու տրամադրվի 15-20 րոպե ժամանակ: Բժշկի մոտ մտնելու ժամային որոշ շեղումներ, այնուամենայնիվ հնարավոր են, բայց ընդամենը մի քանի րոպե տարբերությամբ:

Հերթագրման համակարգի ներդրումը կարևոր է ոչ միայն քաղաքացիների արագ սպասարկման, այլև բժիշկների և բուժհաստատության աշխատանքն առավել կանոնակարգված դարձնելու համար:

Այժմ աշխատանքներ են տարվում նաև մյուս պոլիկլինիկաներում: Մինչև տարեվերջ ծրագիրը հասանելի կլինի քաղաքի բոլոր 24 պոլիկլինիկաներում:

«Ծրագիրը դեռ աշխատում է միայն տեղամասային թերապևտ կամ մանկաբույժ բժշկի մոտ հերթագրվելու համար: Երկրորդ փուլով նեղ մասնագետների մոտ գրանցումը ևս կիրականացվի հերթագրմամբ»,- ասում է Երևանի քաղաքապետարանի առողջապահության վարչության պետ Կամսար Բաբինյանը:

Պոլիկլինիկաներում հերթագրումն այսուհետ պարտադիր պայման է: Առանց հերթագրվելու կարող եք այդպես էլ սպասել և չսպասարկվել: Սա չի վերաբերում, իհարկե, բուժօգնության կարիք ունեցող քաղաքացիների հրատապ դեպքերին:

Երևանի քաղաքապետարանն այժմ մշակում է առողջապահության ոլորտում բարեփոխումների նոր ծրագրեր:

«Համեմատած 2018 թվականի հետ 2020թ. առողջապահության ոլորտի բյուջեն նախատեսում ենք եռապատկել և հատկացնել ժամանակակից ու արդիական սարքավորումներ, որ մեր պոլիկլինիկաները լինեն զինված սարքավորումներով և մատուցեն բարձրորակ բուժծառայություններ»,-նկատում է Սերգեյ Հարությունյանը:–0–

 поликлиника

Partners News
Partners News
ԱՌԿԱ գործակալություն
Բաժնի այլ նյութեր
19:55
12 Օգոստոսի 2020
Քանյե Ուեսթի Yeezy բրենդի սպորտային կոշիկների նոր դիզայնը ցնցել է համացանցի օգտատերերին (ՖՈՏՈ)
Քանյե Ուեսթի Yeezy բրենդի սպորտային կոշիկների նոր դիզայնը ցնցել է համացանցի օգտատերերին. ՖՈՏՈ
19:24
12 Օգոստոսի 2020
ԱԱԾ նախկին տնօրենը նոր պաշտոն ունի (ՖՈՏՈ)
ԱԱԾ նախկին տնօրենը նոր պաշտոն ունի. ՖՈՏՈ

19:13
12 Օգոստոսի 2020
Նազենի Հովհաննիսյանի աղմկահարույց գրառումն ու արտակարգ դրության երկարաձգումը. ՕՐՎԱ ԼՈՒՐԵՐ (ՎԻԴԵՈ)
Նազենի Հովհաննիսյանի աղմկահարույց գրառումն ու արտակարգ դրության երկարաձգումը. ՕՐՎԱ ԼՈՒՐԵՐ. ՎԻԴԵՈ
18:25
12 Օգոստոսի 2020
Novatel ՍՊԸ–ն հայտնել է «ՎԵՈՆ Արմենիայի» բաժնետոմսերը գնելու մտադրության մասին. ինչ նպատակ է հետապնդում ընկերությունը
Novatel ՍՊԸ–ն հայտնել է «ՎԵՈՆ Արմենիայի» բաժնետոմսերը գնելու մտադրության մասին. ինչ նպատակ է հետապնդում ընկերությունը
16:52
12 Օգոստոսի 2020
Մարդիկ հարսանիք են անում, ուտուշ-խմուշ ա. Սասուն Միքայելյանն առաջարկում է թույլատրել 60 մարդու մասնակցությամբ հարսանիքներ
Մենք սպեցիֆիկ ժողովուրդ ենք, մենք մեր հարսանիքները պետք է հնարավորինս շատ մարդկանցով անենք. Սասուն Միքայելյանը՝ Տիգրան Ավինյանին
15:54
12 Օգոստոսի 2020
Մենք փակ չենք պահում սահմանը, դա Ռուսաստանի քաղաքականությունն է, որ չեն ընդունում. արտգործնախարարը՝ ՌԴ մեկնել ցանկացողներին
Մենք փակ չենք պահում սահմանը, դա Ռուսաստանի քաղաքականությունն է, որ չեն ընդունում. արտգործնախարարը՝ ՌԴ մեկնել ցանկացողներին

14:53
12 Օգոստոսի 2020
Հանվելու է անձնական ավտոմեքենայում դիմակ կրելու պահանջը․ Ավինյան
Հանվելու է անձնական ավտոմեքենայում դիմակ կրելու պահանջը, սակայն պահպանվելու են հանրային տրանսպորտում ու տաքսիներում դիմակ կրելու կանոնները
14:01
12 Օգոստոսի 2020
Երևանում այսօր սպասվում է մինչև 34 աստիճան տաքություն
Օգոստոսի 12-ի ցերեկը, 13-17-ը առանձին շրջաններում գիշերը և կեսօրից հետո սպասվում է կարճատև անձրև և ամպրոպ․ եղանակը՝ Հայաստանում
13:05
12 Օգոստոսի 2020
Երևանի կենտրոն համայնքի գազամատակարարումը դադարեցվել է․ հայտնի են վերականգնման ժամկետները
Երևանի կենտրոնի որոշ հասցեների գազամատակարարումը դադարեցվել է․ հայտնի են վերականգնման ժամկետները
12:20
12 Օգոստոսի 2020
Հայաստանում՝ Արտակարգ դրության պայմաններում մեղմացվել են որոշ սահմանափակումներ (ՎԻԴԵՈ)
Մեղմացվել են ընտանեկան արարողությունների և ժամանցային բնույթի միջոցառումներ կազմակերպելու, անցկացնելու և դրանց մասնակցելու սահմանափակումները. ՀՀ-ում Արտակարգ դրության նոր պայմանները․ ՎԻԴԵՈ
11:38
12 Օգոստոսի 2020
ՀՀ-ում նախօրեին կորոնավիրուսից 2 տղամարդ և 1 կին է մահացել․ ԱՆ-ն մանրամասնում է
ՀՀ-ում նախօրեին կորոնավիրուսից 2 տղամարդ և 1 կին է մահացել․ բոլորն ունեցել են ուղեկցող քրոնիկական հիվանդություններ
11:29
12 Օգոստոսի 2020
ՀՐԱՏԱՊ․ ՀՀ-ում 5-րդ անգամ երկարաձգվեց Արտակարգ դրությունը
ՀՐԱՏԱՊ․ ՀՀ-ում Արտակարգ դրությունը երկարաձգվեց ևս մեկ ամսով