Բարի և ուրախ լուր Արտաշատի ԲԿ-ից. լույս աշխարհ են եղել Քաշաթաղից տարհանված ընտանիքի 12-րդ և 13-րդ զավակները

ԵՐԵՎԱՆ, 9 հունիսի./Նովոստի-Արմենիա/. Արտաշատի բժշկական կենտրոնում լույս աշխարհ են եկել երկու տղաներ։

Ինչպես նշվում է ԲԿ-ի Facebook-յան էջում, ծնողները Արցախի Քաշաթաղի շրջանից են տարհանվել և հանգրվանել մարզում։

«Խորհրդանշական անուններով փոքրիկ Մոնթեն և Նժդեհը ծնվել են 7 քույրերից և 4 եղբայրներից հետո՝ համալրելով բազմազավակ ընտանիքը։ Փոքրիկները լույս աշխարհ են եկել կեսարյան հատման ճանապարհով՝ փորձառու բժիշկ-մանկաբարձների շնորհիվ: Երեխաներն ու մայրը՝ 39-ամյա Մարիամը, իրենց լավ են զգում և շուտով դուրս կգրվեն», - նշվում է հաղորդագրության մեջ։

Կենտրոնի տնօրեն Հայկ Համբարձումյանը և ողջ անձնակազմը շնորհավորում են փոքրիկների լույս աշխարհ գալու առթիվ, մաղթում են խաղաղ ու անհոգ մանկություն նրանց և բոլոր մանուկներին։-0-