ԵՐԵՎԱՆ, 5 մարտի./Նովոստի–Արմենիա/. «Բարգավաճ Հայաստան» կուսակցության քաղաքական խորհուրդը դեռ չի քննարկել արտահերթ ընտրությունների և դրանք անցկացնելու վերաբերյալ հուշագիր ստորագրելու վարչապետ Նիկոլ Փաշինյանի առաջարկը:
Загружается новость ... "Лево"
«Արմենպրես»-ի փոխանցմամբ՝ այս մասին խորհրդարանական ճեպազրույցների ընթացքում ասել է «Բարգավաճ Հայաստան» խմբակցության անդամ Իվետա Տոնոյանը:
«… Նիկոլ Փաշինյանի վերջին առաջարկի հետ կապված մենք քննարկում չենք ունեցել: Այս պահին մենք ձեռնպահ ենք մնալու մեր անձնական դիրքորոշումը ներկայացնելուց, մինչ այն պահը, երբ քաղաքական խորհուրդը կքննարկի առաջարկը և դիրքորոշումը կներկայացնի»,- ասել է Իվետա Տոնոյանը:
Նշենք, որ նախօրեին վարչապետը արտահերթ խորհրդարանական ընտրությունների թեման քննարկել է
«Լուսավոր Հայաստան» կուսակցության առաջնորդ Էդմոն Մարուքյանի հետ։ «Իմ քայլը» խմբակցության ղեկավար Լիլիթ Մակունցը հայտնել է, որ վարչապետը հանդիպելու է նաև «Բարգավաճ Հայաստան» խմբակցության ղեկավարի հետ: Հրավերը գնացել է:–0–