«Այստեղ գոռալու տեղ չի».վեճ ԱԺ–ում (ՎԻԴԵՈ)

ԵՐԵՎԱՆ, 10 օգոստոսի./Նովոստի–Արմենիա/.  ԱԺ այսօրվա նիստի ընթացքում թեժ վեճ սկսվեց ԱԺ խոսնակ Ալեն Սիմոնյանի և երկու պատգամավորների միջև։ 

Վեճի պատճառը «Քաղաքացիական պայմանագիր» խմբակցության պատգամավոր Լուսինե Բադալյանի հարցն էր։

Նա ասաց, որ ներքին քաղաքականության անկայունությունը, ինչպես նաև ատելության մթնոլորտը, որը գեներացվում էր արտախորհրդարանական և խորհրդարանական ընդդիմության կողմից, էապես նպաստում է ներդրումների անկմանը։

Այս հայտարարությանն ի պատասխան` «Հայաստան» ընդդիմադիր դաշինքի պատգամավոր Գեղամ Նազարյանը, բարձրանալով տեղից, սկսեց բղավել և առարկել Բադալյանին։

«Հերիք ա, ամոթ ա էլի, ձեզ կարելի ա, ուրիշներին չի՞ կարելի», – ասաց Նազարյանը։

ԱԺ խոսնակ Ալեն Սիմոնյանը նկատողություն հայտարարեց Նազարյանին, բայց պատգամավորը, չդադարելով վրդովվել, հեռացավ նիստերի դահլիճից։

«Այստեղ գոռալու տեղ չի» – ասաց Սիմոնյանը։–0–