Այսօր համապատասխան մարմիններին հանձնարարել եմ Ադրբեջանին պաշտոնապես փոխանցել, որ իմ որդին պատրաստ է պատանդի կարգավիճակով գնալ Բաքու. Փաշինյան (ՎԻԴԵՈ)
12:04
09 Հունիսի 2021
ԵՐԵՎԱՆ, 9 հունիսի./Նովոստի–Արմենիա/. ՀՀ վարչապետի պաշտոնակատար Նիկոլ Փաշինյանն այսօր Շիրակի մարզում քարոզարշավի ընթացքում անդրադարձել է գերիների թեմային։
«Դուք գիտեք, որ երեկ մեր զինվորներից մեկը մոլորվել էր և ադրբեջանական կողմում էր հայտնվել։ Այս գիշերը զինվորը վերադարձել է, և ես սա շատ դրական քայլ եմ համարում և շատ կարևոր եմ համարում ընդհանրապես տարածաշրջանում և հայ–ադրբեջնական սահմանին լարվածության թուլացման առումով», - ասաց նա։
Փաշինյանն ընդգծեց, որ երեկ հայտարարել է և այսօր էլ համապատասխան մարմիններին հանձնարարել է ադրբեջանական կողմին պաշտոնապես փոխանցել իր երեկվա առաջարկը, որ իր որդին պատրաստ է պատանդի կարգավիճակով գնալ Բաքու` մեր բոլոր գերիների վերադարձի պայմանով։
«Բայց ես ուզում եմ, որ հանկարծ չմտածեք, թե սա միակ ուղղությունն է ու հուսահատ քայլ է մեր գերիների խնդիրը լուծելու համար։ Ուզում եմ բոլորդ իմանաք, որ այս ընթացքում շատ-շատ ինտենսիվ աշխատանք է տարվում։ Ես նույնիսկ հիմա չեմ ուզում այդ աշխատանքը գնահատել, հեռանկարները գնահատել, որովհետև այդ թեմայով մի նախադասություն, մի բառ ավել–պակաս ասելը կարող է չնախատեսված և ոչ անհրաժեշտ զարգացումներ առաջ բերել»,- ասաց նա։
Հիշեցնենք, որ նախօրեին ՀՀ նախկին նախագահ Սերժ Սարգսյանն առաջարկել է, որպեսզի Փաշինյանն իր որդուն` Աշոտին տա Ադրբեջանին ու փոխարենը վերադարձնի 20–25 գերի։ Փաշինյանն իր հերթին պատասխանել է, որ պատրաստ է որդուն տալ Ադրբեջանին բոլոր գերիների դիմաց։–0–
Հայկական ԶԼՄ–ներում և սոցցանցերում այս օրերին մեծ աղմուկ է բարձրացել օտարերկրյա պետություններում ՀՀ ռեզիդենտ ֆիզիկական անձանց ստացած հարկվող եկամտից եկամտային հարկը վճարելու թեման
BOGG PLC ֆինանսական խմբի խորհրդի ղեկավար Մել Քարվլը ներկայացրել է հաճախորդներին խմբին Ամերիաբանկի միանալու առավելությունները և բարձր է գնահատել Հայաստանի տնտեսական հեռանկարները․ ՎԻԴԵՈ