Ճանապարհային դեպարտամենտ հիմնադրամի ծրագրերի շրջանակներում իրականացվում է ճանապարհային հատվածների վրա «սև կետերի» և վթարավտանգ տարածքների հայտնաբերմանն ուղղված աշխատանքներ:
Այս մասին այսօր կայացած ասուլիսի ժամանակ ասաց «Ճանապարհային դեպարտամենտ» հիմնադրամի ծրագրերի կառավարման գնումների դեպարտամենտի պետ Նարեկ Զուլալյանը:
Նրա խոսքով՝ այս պահին իրականացվում է տարածքների նախազննություն, կազմվում են հաշվետվություններ, որից հետո կմեկնարկվեն շինարարական աշխատանքներն ու կվերանայվեն վթարավտանգ հատվածները:
Загружается новость ... "Лево"
«Օրինակ Արմավիր-Վաղարշապատ, Երևան-Սևան ճանապարհների վրա արդեն իրականացվել են անվտանգության միջոցառումներ: Մեր ծրագրերի շրջանակում, առաջիկայում նախատեսում ենք աշխատանքներ իրականացնել մայթեզրերի և արգելապատնեշների կառուցման կետ կապված»,-ասաց նա:
Զուլալյանի խոսքով՝ արգելապատնեշների կառուցումը հիմնականում իրականացվում է հիմնանորոգման, սպասարկման, շահագործման աշխատանքների ընթացքում, և վթարներից հետո տեղադրվում են նորերը:
«Մեր լեռնային գոտիներում ունենք շատ հատվածներ, որոնք մեր այս տարվա ծրագրերում ներառված են որպես սև կետեր՝ արգելապատնեշների բացակայության պատճառով: Այս տարի արգելապատնեշների տեղադրման հետ կապված մեծ ծավալի աշխատանքներ են նախատեսված Մ2՝ դեպի Իրանի սահման գնացող ճանապարհի վրա»,-ասաց Զուլալյանը:
Նա նշեց նաև, որ արգելապատնեշների տեղադրման աշխատանքներ են նախատեսված նաև այլ ծրագրերի շրջանակում:-0-
