Այս պահին մետրոպոլիտենի բոլոր կայարանների դռները փակ են, աշխատանքը կաթվածահար է

ԵՐԵՎԱՆ, 18 մայիսի./Նովոստի-Արմենիա/. Քաղաքացիական անհնազանդության ակցիաների շրջանակում կաթվածահար է եղել Կարեն Դեմիրճյանի անվան Երևանի մետրոպոլիտենի բնականոն երթևեկությունը, հաղորդվում է մետրոպոլիտենի Facebook-յան էջում։

Մետրոպոլիտենի «Երիտասարդական» կայարանում քաղաքացիներն իրականացրել են անհնազանդության ակցիա՝ խափանելով մետրոպոլիտենի երթևեկությունը։

Այս պահին մետրոպոլիտենի բոլոր կայարանների դռները փակ են՝ կուտակումներ չառաջացնելու նպատակով։

Բնականոն աշխատանքին անցնելուն պես կտրվի լրացուցիչ ինֆորմացիա:-0-