Armenia ավիաընկերությունը պարզաբանել է դեպի ՌԴ ավիատոմսերի հետ կապված իրարանցումն ու լուծում առաջարկել քաղաքացիներին (ՎԻԴԵՈ)
19:21
01 Փետրվարի 2021
ԵՐԵՎԱՆ, 1 փետրվարի./Նովոստի–Արմենիա/. Armenia ավիաընկերությունից «Նովոստի–Արմենիա» գործակալությանը պարզաբանել են դեպի Ռուսաստան ավիատոմսերի հետ կապված իրարանցման պատճառը։
Ինչպես հայտնեց ավիաընկերության ներկայացուցիչը, հաշվի առնելով, որ Ռուսաստանի Դաշնությունը փետրվարի 1-ից բացում է սահմանները Հայաստանի Հանրապետության քաղաքացիների առջև, պահանջարկը այս պահին ռուսական ուղղությունների համար բավականին բարձր է։
«Չնայած պահանջարկը բավականին բարձր է, բայց դրանով չի պայմանավորված տոմսերի բարձր արժեքը։ Ուղղակի ցածր արժեքով ցածր կլասի տոմսերը շատ արագ, ակնթարթային սպառվել են, ընդամենը մի քանի ժամվա ընթացքում։ Հետևաբար մնացել են միայն էկոնոմի բարձր դասի ու բիզնես դասի տոմսերը, որոնք միշտ էլ թանկ են` անկախ նրանից, պահանջարկը բարձր է, թե ցածր։ Այսինքն արհեստական գնաճ ավիաընկերության կողմից որպես այդպիսին չի եղել։ Ուղղակի էժան տոմսերը ակնթարթային սպառվել են», – նշել է ավիաընկերության ներկայացուցիչը։
Загружается новость ... "Лево"
Հիշեցնենք, որ փետրվարի 1–ից մինչև մարտի 1–ը մեկնարկել է «Ճամփորդի՛ր առանց COVID-19» պիլոտային ծրագիրը, համաձայն որի Հայաստանից Ռուսաստան և հակառակ ուղղությամբ ճամփորդելու համար ուղևորին թույլատրվում է պետական սահմանը հատել կորոնավիրուսային հիվանդության հետազոտության բացասական արդյունքի առկայության դեպքում։ Ընդ որում՝ նմուշառումը պետք է իրականացվի թռիչքի ժամից առավելագույնը 72 ժամ առաջ և հավելվածում նշված լաբորատորիաներում։ Առավել մանրամասն տեղեկատվությանը կարելի է ծանոթանալ հետևյալ հղմամբ։
Այսօր մոտ 20 քաղաքացիներ չեն կարողացել մեկնել Մոսկվա և Ռոստով Armenia ավիաընկերության չվերթերով, քանի որ կորոնավիրուսի թեստ են հանձնել այնպիսի լաբորատորիաներում, որոնք ներառված չեն «Ճամփորդիր առանց COVID-19» հավելվածում։
Armenia ավիաընկերության տնօրենի տեղակալ Գևորգ Խաչատրյանը հայտարարել է, որ այդ քաղաքացիների համար կարվի բացառություն, ավիաընկերությունն իր վրա է վերցնում պատասխանատվությունն ու անվճար կփոխարինի տոմսերը` տրամադրելով ազատ տեղեր մոտակա չվերթերի համար։ Քաղաքացիներին առաջարկել են դիմել ավիաընկերության գրասենյակ` այդ հարցը լուծելու համար։
Մեր ստացված տեղեկություններով, մինչև փետրվարի 19–ը էկոնոմ դասի ավիատոմսերը սպառվել են, առկա են միայն բիզնես դասի տոմսեր, որոնց արժեքը սկսվում է 212 հազար դրամից (մոտ 407 դոլար)։–0–
Օրերս ակտիվորեն սկսել են շրջանառվել լուրեր այն մասին, որ Երևանի Կոմիտասի անվան պետական կոնսերվատորիան շուտով փակվելու է և Ակադեմիական քաղաքում միանալու է մյուս բուհերին՝ որպես ֆակուլտետ