Առջևում ամառ է. Հայաստանում սպասվում է մինչև +27 աստիճան

ԵՐԵՎԱՆ, 2 ապրիլի./Նովոստի–Արմենիա/. Հայպետհիդրոմետը ներկայացնում է առաջիկա օրերի եղանակի կանխատեսումը։

Այսպես, ապրիլի 2-3-ն առանձին շրջաններում սպասվում են կարճատև տեղումներ, հնարավոր է ամպրոպ: Ապրիլի 4-6-ը սպասվում է առանց տեղումների եղանակ:

Քամին՝ հարավ-արևմտյան՝ 2-5 մ/վ: Օդի ջերմաստիճանն ապրիլի 5-6-ը կբարձրանա 5-6 աստիճանով:

Մայրաքաղաք Երևանում ապրիլի  2-3-ը քաղաքի առանձին հատվածներում հնարավոր է կարճատև անձրև և ամպրոպ: Ապրիլի 4-6-ը սպասվում է առանց տեղումների եղանակ: Այսօր Երևանում ցերեկային ժամերին սպասվում է +15...+17 աստիճան, ապրիլի 6–ին կանխատեսվում է +20...+22։

Ամենաբարձր ջերմաստիճանը կանխատեսվում է ապրիլի 6–ին ցերեկային ժամերին Սյունիքի հովիտներում, որտեղ սպասվում է +22...+27։ Այդ օրը նույնքան ջերմաստիճան է սպասվում նաև Արցախում, Տավուշում կանխատեսվում է +20...+24, Արարատում, Արմավիրում և Վայոց Ձորի նախալեռներում` +20...+23։–0–