Անպտղության հաղթահարման ծրագրի շրջանակում ծնվել է 76 երեխա, սակայն պտղաբերության ցուցանիշը շարունակում է ցածր մնալ. ԱՆ
12.01.2022,
18:23
44-օրյա պատերազմի հետևանքով մահացած զինվորների, կամավորների մայրերից երկուսն արդեն երեխա են ունեցել, 27 կին հղիացել է
ԵՐԵՎԱՆ, 12 հունվարի./Նովոստի–Արմենիա/. ՀՀ առողջապահության նախարարության «Անպտղության հաղթահարման ծրագիրը» 2021 թ.-ին լավ արդյունքներ է գրանցել և տարին բավական բարենպաստ էր:
Այս մասին այսօր կայացած ասուլիսի ժամանակ ասաց ՀՀ առողջապահության նախարարության Մոր և մանկան առողջության պահպանման վարչության պետ Նունե Փաշայանը:
«2021 թ.-ի դեկտեմբերի 31-ի դրությամբ ծրագրի շրջանակում ծնվել է 76 երեխա, արձանագրվել է 211 հղիություն: Այս արդյունքը կապված է այն հանգամանքի հետ, որ գրեթե 2 անգամ ավելացվել է ամբողջ ծրագրի ֆինանսավորումը»,- ասաց Փաշայանը:
Նրա խոսքով՝ ծրագրի մեկնարկին ֆինանսավորումը կազմել է շուրջ 300 մլն դրամ, իսկ 2021 թ.-ին արդեն կատարվել է շուրջ 500 մլն դրամի աշխատանք:
«2022-ին ֆինանսավորման նույն չափը կպահպանվի, սակայն շահառուների թվի ավելացմանը զուգահեռ կառավարությունը պատրաստակամ է կրկին ավելացնել գումարը», - ասաց վարչության պետը:
Փաշայանի խոսքով՝ ծրագրի նկատմամբ հետաքրքրությունը բավական մեծ է եղել հենց տարեսկզբից: Քանի որ շատերն են հետաքրքրված եղել և ցանկություն հայտնել օգտվելու, պետությունն էլ որոշել է ավելացնել ֆինանսավորումը: Ծրագրի շրջանակում արդեն իսկ սպասարկվել է 857 շահառու:
«Անպտղության հաղթահարման ծրագիրն իր մեջ ներառում է մի քանի բաղադրիչ՝ անպտղության պատճառի ախտորոշում և բուժում, արհեստական սերմնավորում և արհեստական բեղմնավորում: Ծրագրից կարող են օգտվել զինծառայողները և նրանց հավասարեցված անձինք, ընտանեկան նպաստի համակարգից օգտվող անձինք, որոնք ունեն 28 և ավելի միավոր, հաշմանդամություն ունեցող անձինք, եթե հաշմանդամությունը կնոջ մոտ չի հանդիսանում հակացուցում հղիության համար»,-ասաց Փաշայանը:
Նա նշեց նաև, որ շահառու կարող են լինել սահմանամերձ համայնքների բնակիչնեըը, որոնց շրջանակը ընթացքում ընդլայնվում է: Շահառուներ են հանդիսանում նաև 44-օրյա պատերազմում զոհված, պատերազմի հետևանքով մահացած զինվորների, կամավորների, ինչպես նաև խաղաղ պայմաններում զոհված զինծառայողների ծնողները: Ծրագրից կարող են օգտվել մինչև 42 տարին լրանալը:
Հայկական վերարտադրողական բժշկության ասոցիացիայի նախագահ Էդուարդ Համբարձումյանն էլ իր հերթին նշեց, որ Հայաստանում պտղաբերության ցուցանիշը շարունակում է ցածր մնալ, այն կազմում է 1.6, իսկ պարզ վերարտադրողականության համար անհրաժեշտ է առնվազն 2.1 ցուցանիշը:
«Պտղաբեր կանայք պետք է փորձեն 3-րդ, 4-րդ երեխան ունենալ, որպեսզի անպտղության ցուցանիշը փոխվի: Այսօր մենք ունենք այնպիսի ցուցանիշ, որ ընտանիքի պարզ վերարտադրողականությունը չի ապահովվում: Հայաստանում մեկ ընտանիքում նվազագույնը երեք երեխա պետք է ծնվի»,- ասաց Համբարձումյանը:
Փաշայանը հավելեց, որ Հայաստանում 44-օրյա պատերազմի հետևանքով մահացած զինվորների, կամավորների մայրերից երկուսն արդեն երեխա են ունեցել, 27 կին հղիացել է:
«Ծրագրի այս բաղադրիչը հաստատվեց 2021 թ.-ի փետրվարին, և դեռ տարին չի լրացել, բայց արդեն ունենք լավ արդյունքներ: Վստահ եմ, որ թիվն օր օրի պիտի փոխվի: Ծրագրի այս բաղադրիչի նկատմամբ մեծ հետաքրքրություն կա: Արդեն շուրջ 200 շահառու դիմել է: Այս մայրերը նույնչափ հերոս են, որքան իրենց զավակները: Նրանք որոշել են վերաիմաստավորել իրենց կյանքը և նոր կյանք պարգևել»,- ասաց Փաշայանը:
Հայկական վերարտադրողական բժշկության ասոցիացիայի նախագահ Էդուարդ Համբարձումյանն էլ նշեց, որ վերարտադրողական բժշկության բուժական պրոցեսները երկար են տևում՝ միջինը 1.5 տարի:
«Ծրագրի շահառուների այս խումբը յուրահատուկ մոտեցում է պահանջում թե´ բուժական, թե´ հոգեբանական առումով: Դժվար փուլ է, որովհետև զույգերը սթրեսային վիճակում են, առողջական խնդիրներ ունեն, նույնիսկ հետազոտություններից հետո քաղցկեղ է հայտնաբերվել, սակայն այս ամենը հաղթահարում ենք»,- ասաց Համբարձումյանը:
Նա ընդգծեց, որ շտապել պետք չէ, անհրաժեշտ է հետևողական աշխատել շահառուների հետ:-0-
Այս մասին այսօր կայացած ասուլիսի ժամանակ ասաց ՀՀ առողջապահության նախարարության Մոր և մանկան առողջության պահպանման վարչության պետ Նունե Փաշայանը:
«2021 թ.-ի դեկտեմբերի 31-ի դրությամբ ծրագրի շրջանակում ծնվել է 76 երեխա, արձանագրվել է 211 հղիություն: Այս արդյունքը կապված է այն հանգամանքի հետ, որ գրեթե 2 անգամ ավելացվել է ամբողջ ծրագրի ֆինանսավորումը»,- ասաց Փաշայանը:
Նրա խոսքով՝ ծրագրի մեկնարկին ֆինանսավորումը կազմել է շուրջ 300 մլն դրամ, իսկ 2021 թ.-ին արդեն կատարվել է շուրջ 500 մլն դրամի աշխատանք:
«2022-ին ֆինանսավորման նույն չափը կպահպանվի, սակայն շահառուների թվի ավելացմանը զուգահեռ կառավարությունը պատրաստակամ է կրկին ավելացնել գումարը», - ասաց վարչության պետը:
Загружается новость ... "Лево"
Փաշայանի խոսքով՝ ծրագրի նկատմամբ հետաքրքրությունը բավական մեծ է եղել հենց տարեսկզբից: Քանի որ շատերն են հետաքրքրված եղել և ցանկություն հայտնել օգտվելու, պետությունն էլ որոշել է ավելացնել ֆինանսավորումը: Ծրագրի շրջանակում արդեն իսկ սպասարկվել է 857 շահառու:
«Անպտղության հաղթահարման ծրագիրն իր մեջ ներառում է մի քանի բաղադրիչ՝ անպտղության պատճառի ախտորոշում և բուժում, արհեստական սերմնավորում և արհեստական բեղմնավորում: Ծրագրից կարող են օգտվել զինծառայողները և նրանց հավասարեցված անձինք, ընտանեկան նպաստի համակարգից օգտվող անձինք, որոնք ունեն 28 և ավելի միավոր, հաշմանդամություն ունեցող անձինք, եթե հաշմանդամությունը կնոջ մոտ չի հանդիսանում հակացուցում հղիության համար»,-ասաց Փաշայանը:
Նա նշեց նաև, որ շահառու կարող են լինել սահմանամերձ համայնքների բնակիչնեըը, որոնց շրջանակը ընթացքում ընդլայնվում է: Շահառուներ են հանդիսանում նաև 44-օրյա պատերազմում զոհված, պատերազմի հետևանքով մահացած զինվորների, կամավորների, ինչպես նաև խաղաղ պայմաններում զոհված զինծառայողների ծնողները: Ծրագրից կարող են օգտվել մինչև 42 տարին լրանալը:
Հայկական վերարտադրողական բժշկության ասոցիացիայի նախագահ Էդուարդ Համբարձումյանն էլ իր հերթին նշեց, որ Հայաստանում պտղաբերության ցուցանիշը շարունակում է ցածր մնալ, այն կազմում է 1.6, իսկ պարզ վերարտադրողականության համար անհրաժեշտ է առնվազն 2.1 ցուցանիշը:
«Պտղաբեր կանայք պետք է փորձեն 3-րդ, 4-րդ երեխան ունենալ, որպեսզի անպտղության ցուցանիշը փոխվի: Այսօր մենք ունենք այնպիսի ցուցանիշ, որ ընտանիքի պարզ վերարտադրողականությունը չի ապահովվում: Հայաստանում մեկ ընտանիքում նվազագույնը երեք երեխա պետք է ծնվի»,- ասաց Համբարձումյանը:
Փաշայանը հավելեց, որ Հայաստանում 44-օրյա պատերազմի հետևանքով մահացած զինվորների, կամավորների մայրերից երկուսն արդեն երեխա են ունեցել, 27 կին հղիացել է:
«Ծրագրի այս բաղադրիչը հաստատվեց 2021 թ.-ի փետրվարին, և դեռ տարին չի լրացել, բայց արդեն ունենք լավ արդյունքներ: Վստահ եմ, որ թիվն օր օրի պիտի փոխվի: Ծրագրի այս բաղադրիչի նկատմամբ մեծ հետաքրքրություն կա: Արդեն շուրջ 200 շահառու դիմել է: Այս մայրերը նույնչափ հերոս են, որքան իրենց զավակները: Նրանք որոշել են վերաիմաստավորել իրենց կյանքը և նոր կյանք պարգևել»,- ասաց Փաշայանը:
Հայկական վերարտադրողական բժշկության ասոցիացիայի նախագահ Էդուարդ Համբարձումյանն էլ նշեց, որ վերարտադրողական բժշկության բուժական պրոցեսները երկար են տևում՝ միջինը 1.5 տարի:
«Ծրագրի շահառուների այս խումբը յուրահատուկ մոտեցում է պահանջում թե´ բուժական, թե´ հոգեբանական առումով: Դժվար փուլ է, որովհետև զույգերը սթրեսային վիճակում են, առողջական խնդիրներ ունեն, նույնիսկ հետազոտություններից հետո քաղցկեղ է հայտնաբերվել, սակայն այս ամենը հաղթահարում ենք»,- ասաց Համբարձումյանը:
Նա ընդգծեց, որ շտապել պետք չէ, անհրաժեշտ է հետևողական աշխատել շահառուների հետ:-0-
Պատճենել հղումը
