Ամբողջ Հայաստանի տարածքում սպասվում են ամպրոպային անձրևներ, ջերմաստիճանը կնվազի

ԵՐԵՎԱՆ, 27 ապրիլի./Նովոստի–Արմենիա/. ՀՀ ՇՄՆ Հիդրոօդերևութաբանության և մոնիթորինգի կենտրոնը ներկայացնում է առաջիկա օրերի եղանակի կանխատեսումը։

Մայրաքաղաք Երևանում ապրիլի 27-ի երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ, 28-29-ին, 30-ի ցերեկը, մայիսի 1-ին ժամանակ առ ժամանակ սպասվում է անձրև և ամպրոպ, ամպրոպի ժամանակ քամու ուժգնացում՝ 15-18 մ/վրկ:

Այսօր ցերեկը մայրաքաղաքում սպասվում է +24...+26, հետագա չորս օրերին ջերմաստիճանը կտատանվի +20...+24 աստիճանի սահմանում։

Հանրապետության տարածքում ապրիլի 27-ի, 30-ի, ցերեկը առանձին շրջաններում սպասվում է կարճատև անձրև և ամպրոպ,  28-29-ին, մայիսի 1-ին ժամանակ առ ժամանակ շրջանների զգալի մասում սպասվում է անձրև և ամպրոպ: Քամին՝ հարավ-արևմտյան 2-5 մ/վրկ, ամպրոպի ժամանակ սպասվում է քամու ուժգնացում՝ 15-20մ/վրկ արագությամբ:

Օդի ջերմաստիճանն  27-29-ին աստիճանաբար կնվազի 3-5 աստիճանով:–0–