Ամառը դեռ չի ավարտվում. ջերմաստիճանը կբարձրանա 4 աստիճանով

ԵՐԵՎԱՆ, 17 օգոստոսի./Նովոստի–Արմենիա/.  Հիդրոօդերևութաբանության և մոնիթորինգի կենտրոնը հայտնում է, որ առաջիկա 5 օրերին ջերմաստիճանը կբարձրանա:

Ջերմաստիճանի բարձրացմամբ պայմանավորված` Շիրակում, Արագածոտնում, Կոտայքում, Արարատում, Արմավիրում,  Վայոց Ձորում, Սյունիքում և Երևանում սպասվում է բարձր կարգի հրդեհավտանգ իրավիճակ:

Մայրաքաղաք Երևանում այսօր ցերեկը սպասվում է +34...+35, գիշերը` +20..+22, իսկ օգոստոսի 18–ին ցերեկը կանխատեսվում է +33...+35, գիշերը` +20...+22։  Օգոստոսի 19-ին ցերեկը սպասվում է մինչև +34...+36, գիշերը ՝ +21...+23: Հաջորդող օրերին՝ 20-ին, 21-ին և 22-ին կանխատեսվում է  +33...+36, գիշերը՝ +21...+23:

Երևան քաղաքում օգոստոսի  17-ի ցերեկը, 18-19-ին սպասվում է առանց տեղումների եղանակ:

Օգոստոսի 20-22-ին՝ գիշերը և երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ հնարավոր է քամու ուժգնացում 18-20մ/վրկ արագությամբ:

Հանրապետության տարածքում` օգոստոսի 17-ին երեկոյան ժամերին, 20-21-ին` գիշերը և կեսօրից հետո առանձին շրջաններում սպասվում է կարճատև անձրև և ամպրոպ, առանձին հատվածներում հնարավոր է նաև կարկուտ։

Քամին հարավ-արևմտյան՝ 5-10մ/վրկ, ամպրոպի ժամանակ սպասվում է քամու ուժգնացում 15-20մ/վրկ արագությամբ։

Օդի ջերմաստիճանը  18-19-ին կբարձրանա 2-4 աստիճանով. սպասվում է առանց տեղումների եղանակ:-0-