ԵՐԵՎԱՆ, 12 փետրվար. /Նովոստի-Արմենիա/. ԱԺ փոխնախագահ Ալեն Սիմոնյանն այսօր լրագրողների հետ ճեպազրույցի ժամանակ Analitik.am կայքից պահանջել է իրենց հոդվածի հերքում հրապարակել, այլապես ինքը կդիմի դատարան:
«Լրատվական կայքերից մեկը, աղավաղելով, ենթադրություններ անելով վերնագիր է դրել, թե իբր ես էստեղ խոսել եմ Ստամբուլյան կոնվենցիայի մասին և ասել եմ, որ իբր հանրաքվեն նշանակում է Ստամբուլյան կոնվենցիայի վավերացում։ Տվյալ տեղեկությունն իրականությանը չի համապատասխանում, ես պաշտոնապես պահանջում եմ այդ կայքից հերքում հրապարակել, հակառակ դեպքում չեմ բացառում դատարան դիմելու տարբերակը»,- ասել է նա, հավելելով, որ խոսքը Analitik.am կայքի մասին է:
Սիմոնյանն իր ափսոսանքն է հայտնել այն մասին, որ որոշ լրատվամիջոցներ, ինչպիսիք են «168 ժամ» -ը, tert.am- ը և այլ կայքեր, հրապարակել են այդ ապատեղեկատվությունը:
«Նման արտահայտություն չի եղել, այն բանի մասին չի խոսացվել, և ուզում եմ կոչ անել հետայսու ուշադիր լինել և չվերագրել որևէ մեկի սուտ տեղեկությունը ինձ կամ որևէ մի գործընկերոջ», - ասել է Սիմոնյանը ՝ հավելելով, որ իր հայցը գրավոր կուղարկի լրատվամիջոցներին:
Կանանց և ընտանեկան բռնության դեմ ԵԽ Ստամբուլյան կոնվենցիայի վավերացման հարցը բուռն քննարկումների առարկա էր դարձել Հայաստանում։
Հուլիսի 26–ին Արդարադատության նախարարությունը դիմել է Եվրոպայի խորհրդի սահմանադրական հարցերով մասնագիտացված խորհրդատվական կառույցին` Վենետիկի հանձնաժողովին, որոշ հասարակական–քաղաքական շրջանակների բարձրացված որոշ հարցերի նկատմամբ Կոնվենցիայի ազդեցության հարցով։-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում