556.82
6.74
477.34
+3
Եղանակը Երևանում
Հայ

Ադրբեջանի նախագահն ընդունում է այն փաստը, որ ադրբեջանական զորքերը գտնվում են Հայաստանի Հանրապետության տարածքում․ՀՀ ԱԳՆ-ի պատասխանն Ալիևին

09:15
24 Հուլիսի 2021

ԵՐԵՎԱՆ, 24 հուլիսի․/Նովոստի-Արմենիա/․ ՀՀ ԱԳՆ-ն մեկնաբանել է ադրբեջանական AzTV պետական հեռուստաընկերությանը տված հարցազրույցում Ադրբեջանի նախագահ Իլհամ Ալիևը Հայաստանի Հանրապետության նկատմամբ տարածքային հավակնություններ ներկայացնող հերթական հայտարարությունները:

ԱԳՆ-ից նշել են Ադրբեջանի նախագահն իր հարցազրույցում հանդես է եկել մի շարք մեկնաբանություններով, որոնցից կանդրադառնանք մի քանիսին, որոնք ակնառու ցույց են տալիս ուժի կիրառումը տարածաշրջանային քաղաքականության գործիք դարձնելու Ադրբեջանի ղեկավարության մոտեցումները։ 

Առաջին, վերոնշյալ հարցազրույցում Ադրբեջանի նախագահն ըստ էության ընդունում է այն փաստը, որ ադրբեջանական զորքերը գտնվում են Հայաստանի Հանրապետության տարածքում՝ դա արդարացնելով այն պնդմամբ, որ «Զանգեզուրը մեր նախնիների հողն է»։ Սա ոչ այլ ինչ է, քան միջազգային իրավունքի կոպիտ ոտնահարում, քանի որ միջազգային ոչ մի նորմ կամ սկզբունք չի ընդունում հարևան պետության տարածքի օկուպացման փորձը՝ պատմական նմանօրինակ, տվյալ դեպքում՝ խեղաթյուրված «հիմնավորմամբ»։ 

Загружается новость ... "Лево"

«Հարկ է նշել, որ այս սադրիչ գործողություններն ուղեկցվում են Ադրբեջանի նախագահի կողմից այսպես կոչված «զանգեզուրի միջանցք» ձևակերպման շրջանառմամբ, ինչն ամբողջովին հակասում է 2020թ․ նոյեմբերի 9-ի և 2021թ հունվարի 11-ի եռակողմ համատեղ հայտարարություններին, որոնք պարունակում են տարածաշրջանում առկա տնտեսական և տրանսպորտային կապուղիների ապաշրջափակման դրույթը։ Ադրբեջանական կողմը հասկանալով միջազգային իրավունքը խախտող իր այս պահանջների հիմնազուրկ լինելը՝ փորձում է որպես փաստարկ ներկայացնել խնդիրն ուժի կիրառմամբ լուծելու իր պատրաստակամությունը», - նշվում է գերատեսչության հաղորդագրության մեջ։ 

Երկրորդ, Ադրբեջանի նախագահը հստակորեն մատնանշում է, որ Արցախի դեմ սանձազերծված պատերազմը նպատակ է ունեցել տարածաշրջանի քարտեզից ջնջելու Լեռնային Ղարաբաղը, իսկ Արցախի ժողովրդին զրկելու իր հայրենիքից։

Լեռնային Ղարաբաղը՝ որպես տարածքային միավոր, ճանաչված է մի շարք միջազգային փաստաթղթերում, որոնց մեծամասամբ միացել կամ իր համաձայնությունն է հայտնել նաև Ադրբեջանը։ Ադրբեջանի կողմից միջազգային իր հանձնառությունների վերանայումը և ուժի կիրառումը չի կարող հանգեցնել միջազգային ասպարեզից Լեռնային Ղարաբաղի անհետացմանը։ Այս մոտեցումն ակնհայտորեն հետապնդում է Արցախի ժողովրդի մարդու իրավունքների, այդ թվում՝ ինքնորոշման իրավունքի և Արցախի տարածքային ամբողջականությունը ոտնահարելու նպատակ։ 

Երրորդ, Ադրբեջանը պնդում է, որ հետպատերազմյան շրջանում կարողացել է միջազգային հանրությանը պարտադրել իր օրակարգը։ Մենք չենք ժխտում, որ նման փորձեր Ադրբեջանը կատարել և կատարում է, և այդ փորձերի հիմքում ընկած է Հայաստանի տարածքային ամբողջականության խախտմամբ ղարաբաղյան հակամարտությունը միջազգային օրակարգից դուրսբերման մոտեցումը։ Այն հանգամանքը, որ միջազգային հանրությունը՝ ի դեմս ԵԱՀԿ Մինսկի խմբի համանախագահության, համանախագահող երկրների և բազմաթիվ այլ միջազգային դերակատարների հստակ արձանագրում է, որ ղարաբաղյան հակամարտությունը կարգավորված չէ, լավագույնս փաստում է, որ Բաքվի այս փորձերը ձախողվել են։ 

Չորրորդ, Ադրբեջանը շարունակում է պատերազմի հումանիտար հետևանքների ոչ թե հաղթահարման այլ խորացման քաղաքականությունը, ինչն արտահայտվում է ռազմագերիների, պատանդների և պահվող այլ քաղաքացիական անձանց փոխանակման իր մասով ստանձնած պարտավորության առկախմամբ ու վերջիններիս նկատմամբ քրեական շինծու հետապնդմամբ և հայատյացության շարունակական խրախուսմամբ։ 

Հինգերորդ, ուժի, ուժի սպառնալիքի կիրառումը չի կարող ստեղծել տևական խաղաղություն և հղի է տարածաշրջանի բոլոր երկրների և ժողովուրդների համար վտանգներով։

«Հայաստանը հետևողականորեն հանդես է գալու Արցախի տարածքում արցախահայության ինքնորոշման իրավունքի իրականացման, Հայաստանի Հանրապետության տարածքային ամբողջականության պաշտպանման դիրքերից՝ հիմնվելով միջազգային իրավունքի վրա», - նշել են ԱԳՆ-ից։-0-

Partners News
Partners News
ԱՌԿԱ գործակալություն
Բաժնի այլ նյութեր
23:24
19 Հոկտեմբերի 2021
ՀՀ–ում ՌԴ դեսպանատունը հրապարակել է Ադրբեջանից վերադարձած 5 ռազմագերիների դիմավորման կադրերը (ՖՈՏՈ)
Հրապարակվել են Ադրբեջանից վերադարձած  5 ռազմագերիների դիմավորման կադրերը.ՖՈՏՈ
19:58
19 Հոկտեմբերի 2021
Հայաստան է վերադառնում 5 ռազմագերի, հայտնի են նրանց անունները
Հայաստան է վերադառնում 5 ռազմագերի, հայտնի են նրանց անունները
15:26
19 Հոկտեմբերի 2021
Փորձագետները պարզաբանել են, թե որ պատվաստանյութերն են նախընտրելի հղիների համար
Փորձագետները պարզաբանել են, թե որ պատվաստանյութերն են նախընտրելի հղիների համար
13:10
19 Հոկտեմբերի 2021
Ռուսական ընկերությունը շահել է Աջափնյակի մետրոյի կայարանի նախագծման մրցույթը
Ռուսական ընկերությունը շահել է Աջափնյակի մետրոյի կայարանի նախագծման մրցույթը
11:40
19 Հոկտեմբերի 2021
Հարկայինի 4 պաշտոնյաները «բռնվել են» 1մլն դրամի կաշառք վերցնելու պահին. կադրեդ դեպքի վայրից (ՎԻԴԵՈ)
Հարկայինի 4 պաշտոնյաները «բռնվել են» 1մլն դրամի կաշառք վերցնելու պահին. կադրեդ դեպքի վայրից.ՎԻԴԵՈ
11:30
19 Հոկտեմբերի 2021
Միքայել և Կարեն Վարդանյանները 300 մլն դրամ են տրամադրել անպտղության հաղթահարմանը Հայաստանում (ՎԻԴԵՈ)
44-օրյա պատերազմից անմիջապես հետո, բարերարներ Միքայել և Կարեն Վարդանյանների նախաձեռնությամբ տրվեց բարեգործական կենսական նշանակություն ունեցող ծրագրի մեկնարկը.ՎԻԴԵՈ
11:05
19 Հոկտեմբերի 2021
Կորոնավիրուսը Հայաստանում. հաստատվել է 1054 նոր դեպք, 889 մարդ առողջացել է, 37 մարդ մահացել է
Կորոնավիրուսը Հայաստանում. հաստատվել է 1054 նոր դեպք, 889 մարդ առողջացել է, 37 մարդ մահացել է
09:47
19 Հոկտեմբերի 2021
12 ժամ ջուր չի լինի Երևանի 3 վարչական շրջանում ու Կոտայքի և Արմավիրի մարզերի որոշ հասցեներում
12 ժամ ջուր չի լինի Երեւանի 3 վարչական շրջանում ու Կոտայքի և Արմավիրի մարզերի որոշ հասցեներում
22:57
18 Հոկտեմբերի 2021
Կապանի սարերից մեկը հանձնվե՞լ է Ադրբեջանին.ԱԱԾ–ն մեկնաբանում է
Կապանի սարերից մեկը հանձնվե՞լ է Ադրբեջանին.ԱԱԾ–ն մեկնաբանում է
22:31
18 Հոկտեմբերի 2021
9 ամսում ավելի քան 1 մլն մարդ է մեկնել ՀՀ-ից. Ապագա կա՞ Հայաստանում. պատասխանում են համաքաղաքացիները (ՎԻԴԵՈ)
9 ամսում ավելի քան 1 մլն մարդ է մեկնել ՀՀ-ից. Ապագա կա՞ Հայաստանում. պատասխանում են համաքաղաքացիները.ՎԻԴԵՈ
22:27
18 Հոկտեմբերի 2021
Նիկոլ Փաշինյանը նոր տարածքնե՞ր է տալիս. ՀՐԱՏԱՊ ԼՈՒՐԵՐ (ՎԻԴԵՈ)
Նիկոլ Փաշինյանը նոր տարածքնե՞ր է տալիս. ՀՐԱՏԱՊ ԼՈՒՐԵՐ.ՎԻԴԵՈ