Ադրբեջանի կրակոցից զինծառայող է վիրավորվել

ԵՐԵՎԱՆ, 29 նոյեմբերի./Նովոստի-Արմենիա/. Նոյեմբերի 29-ին՝ ժամը 17:50-ի սահմաններում, հայ-ադրբեջանական սահմանագոտու արևելյան հատվածում տեղակայված հայկական մարտական դիրքում հակառակորդի կրակոցից հրազենային վիրավորում է ստացել զինծառայող Ա. Զ.-ն, հաղորդում է ՀՀ ՊՆ-ն:

«Զինծառայողի առողջական վիճակը գնահատվում է բավարար, կյանքին վտանգ չի սպառնում», - նշվում է գերատեսչության հաղորդագրության մեջ:-0-