478.29
7.18
454.86
+14
Եղանակը Երևանում
Հայ

ԱԽ քարտուղարը ներկայացրել է սահմանին իրավիճակի սրացման հանգամանքներն ու հետագա քայլերը (ՎԻԴԵՈ)

19:06
16 Նոյեմբերի 2021

ԵՐԵՎԱՆ, 16 նոյեմբերի./Նովոստի–Արմենիա/. Հայաստանի Անվտանգության խորհրդի քարտուղար Արմեն Գրիգորյանը Հանրային հեռուստաընկերությանը տված հարցազրույցում մանրամասներ է ներկայացրել հայ-ադրբեջանական սահմանի արևելյան ուղղությամբ տիրող իրավիճակի մասին։

«Այսօր՝ ժամը 13:00-ի դրությամբ, ադրբեջանական զինուժը ռազմական գործողություններ է սկսել Հայաստանի արևելյան սահմանի ուղղությամբ և սահմանի ողջ երկայնքով փորձել է սրել իրավիճակը: Այս պահին մարտական գործողությունները շարունակվում են, և ՊՆ-ն քայլեր է ձեռնարկում՝ իրավիճակը կայունացնելու համար»,- ասաց նա։

Գրիգորյանը հիշեցրեց նաև, որ մայիսի 12-ից Ադրբեջանի զինված ուժերը գտնվում են Հայաստանի ինքնիշխան տարածքում՝ խախտելով Հայաստանի ինքնիշխան տարածքը։

Նրա խոսքով՝ այսօրվա լարված իրավիճակըկապված է հավելյա լ զրահատեխնիկայի և Ադրբեջանի զինված ուժերի կիրառման հետ, սակայն հակառակորդը փորձել է օգտագործել նաև Հայաստանի ինքնիշխան տարածքում տեղակայված ադրբեջանական զինուժը։

«Այս համատեքստում մենք կարևոր ենք համարում ընդգծել, որ քանի որ հարձակումը եղել է Հայաստանի ինքնիշխան տարածքի վրա, ապա մենք դիմում ենք Ռուսաստանի Դաշնությանը Հայաստանի Հանրապետության և Ռուսաստանի Դաշնության միջև 1997թ.գոյություն ունեցող պայմանագրի շրջանակներում ՝ կոչ անելով պաշտպանել Հայաստանի տարածքային ամբողջականությունը և համաձայնագրի շրջանակներում իրականացնել փոխադարձ պարտավորությունները»,-ասաց նա:

ԱԽ քարտուղարը պարզաբանեց, որ առայժմ սա բանավոր կոչ է, որը գրավոր ընթացակարգով ևս կշարունակվի:

«Բայց մենք ուզում ենք տեղեկացնել հասարակությանը և մեր գործընկերներին, որ մենք սկսելու ենք նման գործընթաց։ Մենք ակնկալում ենք, որ Ռուսաստանի Դաշնությունը կաջակցի, և մենք կկարողանանք վերականգնել Հայաստանի Հանրապետության տարածքային ամբողջականությունը։ Բազմիցս ասել են (Ռուսաստան – խմբ.), որ Հայաստանի պետական սահմանը կարմիր գիծ է Ռուսաստանի Դաշնության համար, և մայիսի 12-ից ադրբեջանցիները խախտել են այդ կարմիր գիծը»,- ընդգծեց նա։

Գրիգորյանը հայտարարեց նաև, որ Հայաստանը դիմում է իր դաշնակցին, որպեսզի կարողանա դաշնակցային պարտավորությունների շրջանակում վերականգնել երկրի տարածքային ամբողջականությունը։

«Եթե հնարավոր լինի այս իրավիճակը կարգավորել բանակցային ճանապարհով, ապա կլուծենք բանակցություններով, եթե հնարավոր չէ լուծել բանակցություններով, ապա Հայաստանին պետք է տրամադրվի բավարար ռազմական օգնություն, որպեսզի երկիրը կարողանա հաղթահարել ստեղծված իրավիճակը»,- ասաց Գրիգորյանը` պատասխանելով Ռուսաստանի Դաշնությունից ակնկալվող օգնությանը վերաբերող հարցին։

Անդրադառնալով ԱԺ պատգամավոր Էդուարդ Աղաջանյանի՝ ՀԱՊԿ-ին դիմելու այսօրվա կոչին, Գրիգորյանն ասաց, որ այդ ուղղությամբ նախապատրաստական աշխատանքներ են տարվում։

«Մայիսին ստեղծված իրավիճակով մենք դիմեցինք ՀԱՊԿ-ին ճգնաժամը կարգավորելու համար: Չնայած նրան, որ բավարար ջանքեր չեն գործադրվել խնդրի լուծման համար, մենք կշարունակենք աշխատել: Քանի որ Հայաստանը ներկայումս նախագահում է ՀԱՊԿ-ում, մենք լրացուցիչ քայլեր կձեռնարկենք՝ ակտիվացնելու այն գործիքները, որոնք նախատեսված են ՀԱՊԿ-ի շրջանակներում, ինչն էլ հնարավորություն է տալիս ցանկացած անդամ երկրի տարածքային ամբողջականության դեմ ոտնձգությունների դեպքում քայլեր ձեռնարկել»,- ասաց նա։

Անվտանգության խորհրդի քարտուղարի խոսքով, Հայաստանը կարծում է, որ ներկայիս ճգնաժամը կարող է լուծվել Ռուսաստանի Դաշնության և ՀԱՊԿ-ի միջոցով, բայց եթե դա չարվի, ապա Հայաստանը ստիպված կլինի դիմել այլ կառույցների, ինչպես նաև միջազգային այլ գործընկերների։

«Բայց այս պահին գերակա ենք համարում կիրառել առաջին հերթին պայմանագրային պարտավորություններով սահմանված այն մեխանիզմները, որոնք կարող են կիրառվել և կարգավորել ներկայիս ճգնաժամը»,- ասաց նա։

Սահմանին տիրող իրավիճակի մասին

ՊՆ–ի հաղորդմամբ, ժամը 17։00-ի դրությամբ իրադրությունը ՀՀ արևելյան սահմանագոտում, ուր այսօր հարձակում էին նախաձեռնել Ադրբեջանի ԶՈՒ ստորաբաժանումները, շարունակում է ծայրահեղ լարված մնալ։ Մարտերի ինտենսիվությունը չի թուլացել։ Հակառակորդը շարունակում է կիրառել հրետանային միջոցներ, զրահատեխնիկա և տարբեր տրամաչափի հրաձգային զինատեսակներ։ Հայկական կողմի պատասխան գործողությունների արդյունքում հակառակորդն ունի անձնակազմի մեծաթիվ կորուստներ, զրահատեխնիկայի շուրջ մեկ տասնյակ միավոր ոչնչացվել կամ շարքից դուրս է բերվել։ Հայկական կողմը նույնպես կորուստներ ունի։ Տվյալները ճշտվում են։ ՀՀ ԶՈՒ 12 զինծառայող՝ 7 պայմանագրային և 5 ժամկետային գերեվարվել են։ Բայց այդ, հայկական կողմը կորցրել է 2 մարտական դիրք։

Չհաստատված տվյալներով, Հայաստանը 15 զոհ ունի։

Ավելի վաղ ՊՆ–ն հաղորդել էր, որ նոյեմբերի 16-ին, ժամը 13։00-ի սահմաններում, ադրբեջանական ԶՈՒ ստորաբաժանումները հերթական սադրանքն են նախաձեռնել ՀՀ արևելյան սահմանագոտու ուղղությամբ՝ գնդակոծության ենթարկելով հայկական դիրքերը։ ՀՀ ԶՈՒ ստորաբաժանումները դիմել են պատասխան գործողությունների՝ հակառակորդի առաջխաղացումը կանխելու նպատակով։

ՀՀ ԱԽ քարտուղար Արմեն Գրիգորյանը հայտնել է, որ Երևանը դիմել է Մոսկվային` կոչ անելով պաշտպանել Հայաստանի տարածքային ամբողջականությունը։–0–


Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
19:02
17 Մայիսի 2022
ՎՏԲ-Հայաստան Բանկը մեկնարկում է ապառիկ վաճառքի կետերում վարկերի ձևակերպումը ոչ թղթային տեխնոլոգիայի կիրառմամբ
ՎՏԲ-Հայաստան Բանկը վաճառակետերում ապառիկ վարկեր տրամադրելիս հաճախորդներին հնարավորություն է ընձեռում ստորագրել փաստաթղթերը թվային ձևաչափով
17:37
17 Մայիսի 2022
Ամերիաբանկն ստացել է «Տարվա գործարքը 2021 – Կանաչ առևտուր» մրցանակը ՎԶԵԲ-ի Առևտրի խթանման ծրագրի շրջանակում
Ամերիաբանկի և իտալական Banca Popolare di Sondrio բանկի համատեղ նախագիծը, որն ուղղված է ջրային և էներգետիկ ռեսուրսների պահպանմանը, արժանացել է Վերակառուցման և զարգացման եվրոպական բանկի (ՎԶԵԲ) «Տարվա գործարք 2021. Կանաչ առևտուր» մրցանակին
15:28
17 Մայիսի 2022
Լոռիում խորտկարանի տերը կանանց 1000 և 5000 դրամ է տվել հաճախորդների հետ սեռական հարաբերություն ունենալու համար. ՄԱՆՐԱՄԱՍՆԵՐ (ՎԻԴԵՈ)
Լոռիում խորտկարանի տերը կանանց 1000 և 5000 դրամ է տվել հաճախորդների հետ սեռական հարաբերություն ունենալու համար. ՄԱՆՐԱՄԱՍՆԵՐ. ՎԻԴԵՈ
13:52
17 Մայիսի 2022
Ավտոբուսային պարկի 80%–անոց թարմացում, վճարում QR կոդով և քարտերով. տրանսպորտային ի՞նչ նորամուծություններ են սպասվում Երևանում
Ավտոբուսային պարկի 80%–անոց թարմացում, վճարում QR կոդով և քարտերով. տրանսպորտային ի՞նչ նորամուծություններ են սպասվում Երևանում
13:47
17 Մայիսի 2022
Երևանում աննախադեպ թվով ակտիվիստներ են բերման ենթարկվել
Երևանում աննախադեպ թվով ակտիվիստներ են բերման ենթարկվել
12:30
17 Մայիսի 2022
Երևանում փակ փողոցներ չկան, 5–7 րոպեում բացվել են. ոստիկանություն
Ոստիկանությունից հայտնում են, որ Երևանում փակ փողոցներ չկան, 5–7 րոպեում բացվել են
11:44
17 Մայիսի 2022
Երևանում բերման ենթարկված ակտիվիստների թիվը հասավ 286–ի
Երևանում բերման ենթարկված ակտիվիստների թիվը հասավ 286–ի
11:00
17 Մայիսի 2022
Ոստիկանությունն այսօր բերման է ենթարկել անհնազանդության ակցիաների 155 մասնակցի
Ոստիկանությունն այսօր բերման է ենթարկել անհնազանդության ակցիաների 155 մասնակցի
19:59
16 Մայիսի 2022
Մետրոյի «Բարեկամություն» կայարանում տեղի է ունեցել տեխնիկական խափանում, խախտվել է երթևեկության գրաֆիկը
Մետրոյի «Բարեկամություն» կայարանում տեղի է ունեցել տեխնիկական խափանում, խախտվել է երթևեկության գրաֆիկը
19:48
16 Մայիսի 2022
Հանրային սննդի օբյեկտներում ծխելու արգելքը հանվելու՞ է. ԱՆ-ն պարզաբանում է
Հանրային սննդի օբյեկտներում ծխելու արգելքը հանվելու՞ է. ԱՆ-ն պարզաբանում է
15:17
16 Մայիսի 2022
20–ամյա զինծառայողին ինքնասպանության հասցնելու մեղադրանքով կալանավորվել են նրա համածառայակիցները
20–ամյա զինծառայողին ինքնասպանության հասցնելու մեղադրանքով կալանավորվել են նրա համածառայակիցները
14:23
16 Մայիսի 2022
Ոստիկանությունը հայտարարություն է տարածել
Ոստիկանությունը հայտարարություն է տարածել