ԱԺ-ն կրկին չկարողացավ Իշխան Սաղաթելյանին ընտրել փոխխոսնակի պաշտոնում

ԵՐԵՎԱՆ, 5 օգոստոսի․/Նովոստի-Արմենիա/․ ԱԺ-ն երկրորդ անգամ չկարողացավ Իշխան Սաղաթելյանին ընտրել ԱԺ ընդդիմադիր փոխխոսնակի պաշտոնում։

Ինչպես նշեց Հաշվիչ հանձնախմբի նախագահ Նարեկ Բաբայանը, քվեարկությանը մասնակցել է 103 պատգամավոր, 5 քվեաթերթիկ ճանաչվել է անվավեր։

«49 պատգամավոր քվեարկել է «կողմ», 49-ը՝ «դեմ»», - ասաց Բաբայանը։

Ավելի վաղ «Քաղաքացիական պայմանագիր» իշխող խմբակցության ղեկավար Հայկ Կոնջորյանը հայտարարել էր, որ նրանք պատրաստ են ապահովել Սաղաթելյանի ընտրության համար անհրաժեշտ ձայները։-0-