ԱԱԾ տնօրենի տեղակալ է նշանակվել

ԵՐԵՎԱՆ, 27 հունվարի./Նովոստի–Արմենիա/. Տիգրան Հարությունյանը նշանակվել է ԱԱԾ տնօրենի տեղակալ։

Նշանակման մասին հրամանագիրը հրապարակվել է ՀՀ նախագահի պաշտոնական կայքում։

«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Ազգային անվտանգության մարմիններում ծառայության մասին» օրենքի 18-րդ հոդվածի 2-րդ մասի. Տիգրան Հարությունյանին նշանակել Հայաստանի Հանրապետության ազգային անվտանգության ծառայության տնօրենի տեղակալ», – նշվում է հրամանագրում։–0–