4 քննիչ է ձերբակալվել թմրանյութի շրջանառության կասկածանքով

ԵՐԵՎԱՆ, 1 հունիսի./Նովոստի–Արմենիա/. Երևանի Արաբկիր վարչական շրջանի քննչական բաժնի քննիչներ են ձերբակալվել:

 Այս մասին հայտնում է aysor.am-ը` հղում անելով Քննչական կոմիտեի մամուլի խոսնակ Գոռ Աբրահամյանին։ Ըստ տեղեկությունների՝ խոսքը 4 քննիչի մասին է։

«Նախաձեռնվել է քրեական վարույթ ՀՀ քրեական օրենսգրքի 393-րդ հոդվածի 1-ին մասի (թմրամիջոցների ապօրինի շրջանառություն) եւ 441-րդ հոդվածի 2-րդ մասի հատկանիշներով (պաշտոնատար անձի ծառայողական լիազորությունները չարաշահելը, անցնելը)», - ասել է Աբրահամյանը։
Նա մանրամասներ չի հայտնել՝ նշելով, որ նախաքննությունն իրականացնում է ԱԱԾ-ն։–0–