22–ամյա արմավիրցի Ավդուլոյին սպառնում է մինչև 2 տարվա ազատազրկում սեփական կնոջ հետ սեռական հարաբերություններ ունենալու համար

ԵՐԵՎԱՆ, 2 մարտի. /Նովոստի–Արմենիա/. 22–ամյա Ավդուլո Ավդոյանին սպառնում է մինչև 2 տարվա ազատազրկում սեփական կնոջ հետ սեռական հարաբերություններ ունենալու համար։

Ինչպես նշվում է դատական տեղեկատվական համակարգում հրապարակված մեղադրական եզրակացության մեջ, Ավդուլո Սիաբանդի Ավդոյանին մեղադրանք է առաջադրվել այն բանի համար, որ նա, հանդիսանալով 21 տարին լրացած անձ և գտնվելով փաստացի ամուսնական կապի մեջ ակնհայտ 16 տարին չլրացած Աննա Քոսոյանի հետ, վերջինիս համաձայնությամբ նրա հետ ունեցել է սեռական հարաբերություն, ինչի արդյունքում Աննա Քոսոյանը հղիացել է:

Ավդոյանին մեղադրանք է առաջադրվել ՀՀ ՔՕ 141–րդ հոդվածի 2-րդ մասի 1-ին և 3-րդ կետերի հատկանիշներով (սեքսուալ բնույթի գործողություններ կատարելը տասնվեց տարին չլրացած անձի հետ)։–0–