2026թ-ից առողջության ապահովագրության համակարգին կմիանան 200.000 դրամ և ավելի աշխատավարձ ստացող քաղաքացիները. նախարարը մանրամասներ է ներկայացրել

ԵՐԵՎԱՆ, 8 նոյեմբեր․/Նովոստի-Արմենիա/. ՀՀ առողջապահության նախարար Անահիտ Ավանեսյանը ներկայացրել է առողջության համապարփակ ապահովագրության համակարգը և մանրամասներ ներկայացրել, թե  2026թ-ից համակարգին միացող քաղաքացիներն ինչ հնարավորություններ կստանան։

Նա Facebook-ի իր էջում նշել է, որ 2026թ-ից համակարգին կմիանան 200.000 դրամ և ավելի  աշխատավարձ ստացող քաղաքացիները: Փաթեթի արժեքը տարեկան` 129.600 դրամ:

Վճարման ձևը`ամսական:

Նախարարի տեղեկացմամբ, 2026թ. վճարման բեռը մեղմելու համար պետությունը`

ա) 200.000-ից 500.000 հազ. դրամ աշխատավարձ ստացող անձանց հնարավորություն կտա`

-5500 դրամի փոխարեն`Զինապահ հիմնադրամին վճարել 1000 դրամ և մնացած 4500 դրամը փոխանցել առողջության ապահովագրությանը:

-2026թ.-ի ընթացքում եկամուտների հայտարարագիր լրացնելով` ետ ստանալ ամսական 6000 դրամ:

բ) 500.000-ից 1 մլն դրամ աշխատավարձ ստացող անձանց հնարավորություն կտա`

-7500 դրամի փոխարեն Զինապահ հիմնադրամին վճարել 1000 դրամ և մնացած 6500 դրամը փոխանցել առղջության ապահովագրությանը:

2027թ.-ի ընթացքում եկամուտների հայտարարագիր լրացնելով` ետ ստանալ ամսական 4000 դրամ: Այսինքն, մինչև 500000 դրամ աշխատավարձ ստացող քաղաքացիները պետությանը վճարելիք 10500 դրամը կարողանալու են խնայել և ուղղել առողջության ապահովագրությանը:

գ) 1մլն. դրամից ավելի աշխատավարձ ստացող անձանց հնարավորություն կտա `

-2027թ.-ի ընթացքում եկամուտների հայտարարագիր լրացնելով` ետ ստանալ 4000 դրամ: