0
Եղանակը Երևանում
Հայ

2021 թ.–ին ՎՏԲ-Հայաստան Բանկի համար առաջնահերթ կլինեն հեռահար սպասարկման համակարգերի կատարելագործումը, հաճախորդների հետ փոխհամագործակցության արդյունավետության բարձրացումը

12:45
31 Դեկտեմբերի 2020

ԵՐԵՎԱՆ, 31 դեկտեմբերի./Նովոստի–Արմենիա/. ՎՏԲ-Հայաստան Բանկի Գլխավոր Տնօրեն Իվան Տելեգինն ամանորյա ուղերձ է հղել։

Ներկայացնում ենք ուղերձի տեքստն առանց փոփոխության։

«ՎՏԲ-Հայաստան Բանկի հարգելի հաճախորդներ և գործընկերներ, 2020 թվականը մեր հիշողության մեջ մնալու է որպես մարտահրավերներով և արագ զարգացումներով լի, նորի յուրացման և մեր արժեքային համակարգի վերանայման տարի:

Համավարակը ազդել է ռազմավարական այնպիսի նշանակություն ունեցող տնտեսական ոլորտների գործունեության վրա, ինչպիսիք են՝ արդյունաբերությունը, շինարարությունը, առևտուրը, զբոսաշրջությունը, ծառայությունների ոլորտը և բազմաթիվ այլ ոլորտներ: Այս պայմաններում Բանկի համար առաջնահերթ խնդիր դարձավ իր հաճախորդներին ֆինանսական աջակցություն ցուցաբերելը: Հայտարարված վարկային արձակուրդների շրջանակներում՝ Բանկը վերաձևակերպել է ֆիզիկական անձանց ավելի քան 160 հազ. վարկեր՝ 4,8 մլրդ ՀՀ դրամի չափով և կորպորատիվ հաճախորդների 1,3 հազ. վարկեր՝ 400 մլն. ՀՀ դրամ հետաձգված վճարումներով: Կարևոր է նշել, որ Բանկի հաճախորդների մեծ մասը, չնայած իրենց տրված վարկային արձակուրդների հնարավորությանը, կատարել են իրենց ամսական վճարումները՝ ստանդարտ ժամանակացույցով:

Միևնույն ժամանակ, Բանկն իր ակտիվ դերն ունեցավ ՀՀ կառավարության կողմից մշակված և COVID-19 համավարակի սոցիալական և տնտեսական հետևանքների չեզոքացմանն ուղղված պետական ​​ծրագրերի շրջանակներում: 2020 թ.-ի ապրիլից մինչև հուլիս ամիս ընկած ժամանակահատվածում մեր Բանկի ընդարձակ մասնաճյուղային ցանցի միջոցով պետական ​​վճարումներ են ստացել աջակցության կարիք ունեցող ավելի քան 100 հազար ՀՀ քաղաքացիներ՝ 4.8 մլրդ ՀՀ դրամի չափով:

ՎՏԲ-Հայաստան Բանկը միացել է նաև ՀՀ կառավարության մի շարք ծրագրերին՝ ուղղված փոքր և միջին բիզնեսի աջակցմանը: Մասնավորապես, մենք սկսեցինք արտոնյալ վարկեր տրամադրել ՀՀ Էկոնոմիկայի նախարարության և «Ներդրումների աջակցության կենտրոն» հիմնադրամի հետ համատեղ:

Բանկն ակտիվ մասնակցություն է ունեցել գյուղատնտեսության վարկավորման ծրագրերում՝ որպես տնտեսության գերակա ոլորտներից մեկի, առաջարկելով իջեցված տոկոսադրույքներ  գյուղատնտեսական ձեռնարկություններին:

Մեր պատասխանատվությունն արտահայտվում է ոչ միայն բնակչության և տնտեսության ֆինանսական աջակցություն ցուցաբերելու հարցում, այլ նաև աշխատակիցների և հաճախորդների նկատմամբ հոգատարության դրսևորումներով: Ամբողջ տարվա ընթացքում մենք իրականացրել ենք մի շարք միջոցառումներ՝ Բանկի գլխամասային գրասենյակի և մասնաճյուղերի տարածքում COVID-19-ի տարածումը կանխելու նպատակով: Մարտ ամսից Գլխամասային գրասենյակի աշխատակիցների 40% -ը տեղափոխվել է հեռահար աշխատանքի, կազմակերպվել է աշխատակիցների COVID-19-ի հայտնաբերման շաբաթական թեստավորում: Մասնաճյուղերում հատուկ ուշադրություն է դարձվում սոցիալական հեռավորության պահպանմանը, պարբերաբար իրականացվում է տարածքների ախտահանում, տեղադրված են ախտահանիչ միջոցներ, օդազտիչներ, մուտքի մոտ հաճախորդներին տրվում են դիմակներ, իրականացվում է հաճախորդների ջերմաչափում:

Ներկա պահին ՎՏԲ-Հայաստան Բանկն ունի մասնաճյուղերի, բանկոմատների և հաճախորդների ինքնասպասարկման 24/7 գոտիների ամենալայն ցանցը Հայաստանի տարածքում:  Իրենց բանկային ծառայություններն են մատուցում ավելի քան 70 մասնաճյուղեր, որոնցից 28-ը գտնվում են Երևանում,  իսկ 45-ը՝ մարզերում: Բանկոմատների ընդհանուր թիվը տարեվերջին հասել է 198-ի, որոնցից 95-ը գտնվում են Երևանում, 103-ը՝ Հայաստանի մարզերում:

Երևանում գործում է փոքր և միջին բիզնեսի անհատական սպասարկման մասնագիտացված մասնաճյուղ, թվով երկու VIP-մասնաճյուղեր, ինչպես նաև Հիփոթեքային կենտրոն՝ իր տեսակով առաջին գրասենյակը ՀՀ բանկային համակարգում, որտեղ կարելի է ստանալ ոչ միայն անձնական մենեջերի մասնագիտական ​​խորհրդատվություն, այլ նաև համալիր լուծումներ Բանկի գործընկերներ կառուցապատողների, ապահովագրական ընկերությունների, դիզայներների, շինանյութի, կահույքի, սարքավորումների խանութների կողմից: Դեկտեմբերին մենք Հայաստանի կենտրոնական ավտոշուկայի տարածքում բացել ենք Ավտովարկավորման կենտրոն՝ դրանով իսկ խնայելով հաճախորդների ժամանակը ավտովարկ ձևակերպելիս:

Միևնույն ժամանակ, Բանկն ակտիվորեն զարգացնում է իր կողմից հեռահար սպասարկման հարթակները և 2020թ.-ին իր հաճախորդներին է առաջարկել ՀՀ բանկային շուկայում մի շարք նորարարություններ, այդ թվում՝ Բանկի կայքի անձնական էջի միջոցով քաղվածքներ ստանալու հնարավորություն, սպասարկման ոչ թղթային տեխնոլոգիաներ, կայքի և վճարային տերմինալների միջոցով արագ դրամական փոխանցումներ ստանալու հեռահար հնարավորություն, օնլայն վարկեր ձևակերպելու հնարավորություններ և այլն:

Մենք շարունակեցինք աշխատել հաճախորդների սպասարկման արդյունավետության և որակի բարելավման ուղղությամբ: Այս ուղղությամբ կարևոր քայլ էր CRM համակարգի ներդրումը, որը հնարավորություն է տալիս վերլուծել հաճախորդի տվյալները և պահպանել հաճախորդի հետ փոխհամագործակցության ողջ պատմությունը: Բացի այդ, ներդրվել է Բանկի բոլոր պրոդուկտների մասով միասնական օֆերտայի գաղափարը՝ սպասարկման գործընթացի օպտիմալացման նպատակով, ինչը հնարավորություն տվեց բարձրացնել գործառնությունների արագությունը և երկու անգամ կրճատել հաճախորդների հետ կնքված պայմանագրերի ծավալը:

2020 թվականին բանկն ընդլայնել է պրոդուկտների շրջանակը՝ կենտրոնանալով հաճախորդների կարիքների և համաշխարհային միտումների վրա: Այսպիսով, մենք առաջինը Հայաստանում, թողարկեցինք «Mastercard վճարային մատանի» պրոդուկտը՝ եզակի գաջեթ՝ ստեղծված տեխնոլոգիայի, ֆինանսների և օգտատերերի փորձի հիման վրա: Նաև, տարեվերջին Visa միջազգային համակարգի հետ համատեղ, թողարկեցինք երեխաների և դեռահասների համար նախատեսված Teens և Kids նոր վճարային քարտեր, որոնք մի շարք առավելություններ ունեն ինչպես երիտասարդ հաճախորդների, այնպես էլ նրանց ծնողների համար:

Քայլելով ֆինանսական շուկայի զարգացման միտումներին զուգահեռ՝ 2021 թվականին ՎՏԲ-Հայաստան Բանկը նախատեսում է ոչ միայն ուշադրություն դարձնել ավանդական բանկային գործիքներին, այլև ակտիվորեն զարգացնել տեխնոլոգիական բաղադրիչը: Մեզ համար առաջնահերթ խնդիրներ կլինեն հեռահար սպասարկման համակարգերի կատարելագործումը, հաճախորդների հետ փոխհամագործակցության արդյունավետության բարձրացումը և բիզնես գործընթացների օպտիմալացումը: Մասնավորապես, առաջիկայում մենք նախատեսում ենք բիոմետրիայի վրա հիմնված նույնականացման ներդրումը, ինչպես նաև SMS հաղորդագրությամբ գործարքների վերահսկման նոր մեխանիզմը:

ՎՏԲ-Հայաստան Բանկի սոցիալական գործունեության ամենակարևոր ուղղությունը երկրում առողջապահության, մշակույթի, սպորտի և կրթության զարգացմանն աջակցությունն է: Այս տարի կորպորատիվ սոցիալական պատասխանատվության շրջանակներում մենք 23 մլն ՀՀ դրամ հատկացրեցինք ՀՀ Առողջապահության նախարարությանը՝ COVID-19-ի տարածման դեմ պայքարելու համար: Բանկը մասնակցել է նաև տարբեր հովանավորչական և բարեգործական ծրագրերի: Այս տարվա վերջին միջոցառումներից մեկը՝ Խարբերդի մասնագիտացված մանկատան 300 երեխաների համար Բանկի կողմից կազմակերպված ամանորյա տոնն էր:

ՎՏԲ-Հայաստան Բանկի թիմի անունից սրտանց շնորհակալություն եմ հայտնում Ձեզ՝ համագործակցության և վստահության համար: Սրտանց մաղթում եմ Ձեզ խաղաղություն, քաջ առողջություն և ֆինանսական բարեկեցություն: Թող Նոր տարին բերի Ձեզ միայն դրական փոփոխություններ:

Շնորհավոր 2021 թվական:

Հարգանքով,

ՎՏԲ-Հայաստան Բանկի Գլխավոր տնօրեն՝

Իվան Տելեգին»։

Բանկը վերահսկվում է ՀՀ ԿԲ կողմից:

«ՎՏԲ-Հայաստան Բանկ» ՓԲԸ–ն ՎՏԲ միջազգային ֆինանսական խմբի մասնակից է դարձել 2004թ. ապրիլին: Այս պահին ՌԴ–ում մեծությամբ երկրորդ «ՎՏԲ Բանկ» ԲԲԸ–ն «ՎՏԲ-Հայաստան Բանկ» ՓԲԸ–ի 100% բաժնետոմսերի փաթեթի միանձնյա բաժնետերն է։ Բանկը հիմնական ցուցանիշների մի ամբողջ շարքով մշտապես ներառվում է ՀՀ բանկային համակարգի առաջատարների ցանկում:–0–

Partners News
Ամենակարդացվող
ԱՌԿԱ գործակալություն
Բաժնի այլ նյութեր
00:04
28 Փետրվարի 2021
Փաշինյանը մարտի 1–ին երթի է հրավիրում
Փաշինյանը մարտի 1–ին երթի է հրավիրում
23:14
27 Փետրվարի 2021
Օրվա ամփոփումը` մեկ րոպեում (ՎԻԴԵՈ)
Օրվա ամփոփումը` մեկ րոպեում. ՎԻԴԵՈ
23:01
27 Փետրվարի 2021
ՀՀ ՊՆ–ն հանդես է եկել հայտարարությամբ ԶՈւ–ի հետ կապված իրավիճակի կապակցությամբ
ՀՀ ՊՆ–ն հանդես է եկել հայտարարությամբ ԶՈւ–ի հետ կապված իրավիճակի կապակցությամբ
21:29
27 Փետրվարի 2021
«Պանդորայի արկղ». հայ փորձագետները հայտարարեցին, որ Արա Սաղաթելյանը ենթարկվում է քաղաքական հետապնդման (ՎԻԴԵՈ)
«Պանդորայի արկղ». հայ փորձագետները հայտարարեցին, որ Արա Սաղաթելյանը ենթարկվում է քաղաքական հետապնդման. ՎԻԴԵՈ
19:46
27 Փետրվարի 2021
ՀՀ վարչապետը հայտարարություն է տարածել ԳՇ պետին պաշտոնանկ անելու միջնորդության չստորագրման կապակցությամբ
Փաշինյանը հայտարարություն է տարածել ԳՇ պետին պաշտոնանկ անելու միջնորդության չստորագրման կապակցությամբ
18:00
27 Փետրվարի 2021
ՀՐԱՏԱՊ. ՀՀ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը
ՀՐԱՏԱՊ. ՀՀ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը
17:42
27 Փետրվարի 2021
Հարությունյանն ու Շոյգուն հեռախոսազրույց են ունեցել
Այսօր կայացել է Հայաստանի և Ռուսաստանի պաշտպանության նախարարների հեռախոսազրույցը
17:30
27 Փետրվարի 2021
Հայաստանում ռազմական հեղաշրջում չկա. Վազգեն Մանուկյանը կոչ արեց ոստիկանությանն ու ԱԱԾ–ին աջակցել Բանակին (ՎԻԴԵՈ)
Հայաստանում ռազմական հեղաշրջում չկա. Վազգեն Մանուկյանը կոչ արեց ոստիկանությանն ու ԱԱԾ–ին աջակցել Բանակին. ՎԻԴԵՈ
13:20
27 Փետրվարի 2021
Հայաստանը փորձարկում է հեռահար թիրախների խոցման հայկական հարվածային ԱԹՍ–ներ (ՎԻԴԵՈ)
Հայաստանը փորձարկում է հեռահար թիրախների խոցման հայկական հարվածային ԱԹՍ–ներ. ՎԻԴԵՈ
13:05
27 Փետրվարի 2021
Սումգայիթյան ոճրագործության, հայերին սպանելու համար մարդասպանների արդարացումն արտացոլվեցին Արցախյան վերջին պատերազմում. ԱԳՆ
ՀՀ ԱԳՆ–ն հայտարարություն է տարածել Սումգայիթում տեղի ունեցած հակահայկական ջարդերի 33-ամյակի կապակցությամբ
12:50
27 Փետրվարի 2021
ՀՀ նախագահը հանդիպել է Վազգեն Մանուկյանի, Վահրամ Բաղդասարյանի և Արծվիկ Մինասյանի հետ (ՎԻԴԵՈ)
ՀՀ նախագահը հանդիպել է Վազգեն Մանուկյանի, Վահրամ Բաղդասարյանի և Արծվիկ Մինասյանի հետ. ՎԻԴԵՈ
11:25
27 Փետրվարի 2021
Ալեքսանդր Իսկանդարյանն ու Ալեքսանդր Մարկարովը` Հայաստանի ներքաղաքական զարգացումների մասին (ՈւՂԻՂ)
Փորձագետներ Ալեքսանդր Իսկանդարյանն ու Ալեքսանդր Մարկարովը ներկայացնում են իրենց տեսլականը Հայաստանի ներքաղաքական զարգացումների մասին. ՈւՂԻՂ