2020թ.–ին կբարձրանա շտապօգնության աշխատակիցների աշխատավարձը. նախարար

ԵՐԵՎԱՆ, 11 հունիսի./Նովոստի–Արմենիա/. Շտապօգնության աշխատակիցների աշխատավարձը հաջորդ տարի կբարձրանա, երեշքաբթի լրագրողների հետ զրույցում տեղեկացրեց ՀՀ առողջապահության նախարար Արսեն Թորոսյանը։

Նախարարի խոսքով, դա նշանակում է ինչպես աշխատավարձի բարձրացում, այնպես էլ լրացուցիչ բրիգադների գործարկում` կանչերի ժամանակին սպասարկելու համար։ Թորոսյանը նաև նշեց, որ դեռևս հայտնի չէ, թե որքանով կբարձրանա աշխատավարձը, քանի որ տարբեր մարզերում կանչերի գործակիցները տարբեր են։

«Սակայն բարձրացումը կլինի շոշափելի», – հայտարարեց առողջապահության նախարարը։–0–