ԵՐԵՎԱՆ, 11 հունիսի./Նովոստի–Արմենիա/. Շտապօգնության աշխատակիցների աշխատավարձը հաջորդ տարի կբարձրանա, երեշքաբթի լրագրողների հետ զրույցում տեղեկացրեց ՀՀ առողջապահության նախարար Արսեն Թորոսյանը։
Загружается новость ...
"Право"
«Մի քանի շաբաթ առաջ կառավարության որոշմամբ, շտապօգնության աշխատակիցներին, ինչպես նաև մյուս բուժաշխատողներին տրամադրվել է սոցփաթեթ։ Ինչ վերաբերում է աշխատավարձին, ապա հաջորդ տարվա հայտով մենք նախատեսել ենք մոտ 1 մլրդ դրամով ավելացնել «Շտապ օգնության» ծառայության բյուջեն», – ասաց Թորոսյանը։
Նախարարի խոսքով, դա նշանակում է ինչպես աշխատավարձի բարձրացում, այնպես էլ լրացուցիչ բրիգադների գործարկում` կանչերի ժամանակին սպասարկելու համար։ Թորոսյանը նաև նշեց, որ դեռևս հայտնի չէ, թե որքանով կբարձրանա աշխատավարձը, քանի որ տարբեր մարզերում կանչերի գործակիցները տարբեր են։
«Սակայն բարձրացումը կլինի շոշափելի», – հայտարարեց առողջապահության նախարարը։–0–