ԵՐԵՎԱՆ, 13 դեկտեմբերի. /Նովոստի Արմենիա/. Հայաստանի խորհրդարանը չորեքշաբթի նիստում երկրորդ և վերջնական ընթերցմամբ ընդունեց «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» օրենքի ուղղումները և լրացումները: Փոփոխությունների օգտին քվեարկել է 75 պատգամավոր, 12–ը` դեմ և 8 ձեռնպահ:
Ինչպես փոփողությունները ներկայասնելիս նշեց ՀՀ արդարադատության փոխնախարար Վիգեն Քոչարյանը, փոփողություններով նախատեսված է ընտանիքում բռնության կանխարգելման իրավակազմակերպչական սկզբունքների ապահովումը, ընտանեկան բռնության ենթարկվածների պաշտպանությունը, արդարադատության հասանելիությունը, ինչպես նաև այդ մարդկանց անհրաժեշտ հոգեբանական, իրավաբանական, սոցիալական աջակցության տրամադրումը:
Загружается новость ... "Лево"
Նրա խոսքով, նախատեսվում է նաև կրճատել ընտանեկան բռնության գաղտնիության մակարդակը, կարգավորել պետական մարմինների ու հասարակական կազմակերպությունների համագործակցությունը ընտանեկան բռնության կանխարգելման հարցում, ինչպես նաև պարզաբանել դրանց գործառույթները: Օրենսդրական փոփոխություններով լուծվող հիմնական խնդիրը ընտանեկան բռնության կանխարգելման պարզաբանումն ու կարգավորումն է։
Նա նշեց, որ փաթեթը չի նախատեսում նոր հիմքեր ծնողական իրավունքներից զրկելու կամ սահմանափակեու համար, ինչպես նաև հիմքեր, որոնք կարող են խախտել ընտանեկան ավանդական արժեքները:
Ըստ օրինագծի, ընտանեկան բռնության վտանգի դեպքում մարդու անվտանգության ապահովման համար կներդրվեն անհետաձգելի միջամտության ինսիտուտներ։
Մասնավորապես, ըստ ուղղումների, ընտանեկան բռնության առաջին դեպքում նախատեսվում է զգուշացում, եթե արարքում չկա հանցակազմ և եթե ընտանեկան բռնության ենթարկվածի կյանքին ու առողջությանը ոչինչ չի սպառնում:
Ինչպես նշեց փոխնախարարը, եթե ընտանիքում նկատվում է բռնության շարունակության միտում, որը կարող է սպառնալ զոհի կյանքին կամ առողջությանը, ապա ոստիկանությունը կարող է որոշում կայացնել անմիջական միջամտության մասին, որը կկիրառվի միայն ծայրահեղ դեպքում, երբ անհրաժեշտ է ընդունել անհետաձգելի որոշում մարդու կյանքը ու առողջությունը պաշտպանելու համար:
Որպես անվտանգության երրորդ երաշխիք, նրա խոսքով, նախատեսվում է պաշտոնական որոշման ընդունում, որը կկայացվի դատական կարգով և միայն տուժողի դիմումի հիման վրա:–0–
