ԵՐԵՎԱՆ, 15 մայիսի. /Նովոստի–Արմենիա/. «Վեոլիա Ջուր» ընկերությունը տեղեկացնում է, որ վթարային ջրանջատում է նախատեսված Արագածոտնի մարզում։
«Վթարի կանխարգելման աշխատանքներով պայմանավորված ս.թ. մայիսի 16-ին ժամը 10.00-16.00 կդադարեցվի Արագածոտնի մարզի` Ագարակ, Ոսկեհատ, Ուջան, Կոշ, Արագածոտն, Շամիրամ, Նոր Եդեսիա, Նոր Ամանոս, Դպրևանք գյուղերի, «Կոշ» քրեակատարողական հիմնարկի, «Աշտարակ Կաթ» ընկերության ջրամատակարարումը», – նշվում է ընկերության տարածած հաղորդագրության մեջ։
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:–0–
