ԵՐԵՎԱՆ, 8 դեկտեմբերի. /Նովոստի–Արմենիա/. Կառավարության այսօրվա նիստի ժամանակ ՀՀ վարչապետ Կարեն Կարապետյանը ՊԵԿ-ի նախագահ Վարդան Հարությունյանին հորդորեց մաքսակետերում սահմանել աշխատանքային հստակ գրաֆիկ և ներառել դեկտեմբերի ոչ աշխատանքային և հունվարի տոնական օրերը:
«Հասկանալի՞ է՝ խնդիրն ինչումն է, պարո՛ն Հարությունյան։ Ինձ թվում է՝ շատ լավ շանս է արտակարգ ռեժիմ սահմանել, հոսքը լինելու է շատ, որպեսզի մենք հասկանանք՝ մեր նեղ տեղերը որտեղ են, ինչպես ենք անում, որպեսզի մաքսիմալ կոմֆորտային պայմաններ ստեղծենք։ Դրանից ելնելով՝ եզրակացություն անենք հաստիքացուցակի վերաբերյալ, նաև այն ժամանակացույցերի, որոնք Դուք ունեք: Կան դրական արձագանքներ, որ օրինակ` 5 օրվա մեջ ձևակերպել են նախկինում 25 օրվա փոխարեն: Ես չգիտեմ՝ 5 օրը լավ է, թե չէ, բայց մի հատ այդ ժամանակացույցերը նայեք»,-ասաց նա։
ՀՀ վարչապետը ԿԲ նախագահ Արթուր Ջավադյանին հանձնարարեց ապահովել բանկերի աշխատանքը շաբաթ և կիրակի օրերին:–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
