«Թուրքիայի հերոս» հռչակված օդաչուն կիսվել է վնասված ինքնաթիռով վայրեջքի տպավորություններով

ԵՐԵՎԱՆ, 10 օգոստոսի. /Նովոստի–Արմենիա/. Թուրքական Atlas Global ավիաընկերության ուկրաինաբնակ օդաչու Ալեքսանդր Ակոպովը, ով Ստամբուլում կուրորեն իջեցրել էր ուղևորատար ինքնաթիռը,  RT կայքին պատմել է վնասված օդանավով վայրէջք կատարելուց հետո տպավորությունների մասին։ 

Նրա խոսքով՝ միջադեպից հետո ինքն ավելի ճանաչված է դարձել, գտնվել են հին ընկերները, որոնց մասին նա շուրջ 30 տարի ոչինչ չէր լսել ու չգիտեր։

Նրան նաև մարդիկ սկսել են զանգել և սոցկայքերում նամակներ գրել` հայտնելով իրենց երախտագիտությունը։

«Այսպես ասենք` ապրելը հետաքիքիր է դարձել» ,– ասել է Ակոպովը։

Հուլիսի 28–ին Boeing ինքնաթիռը, որում եղել է 121 ուղևոր և անձնակազմի 6 անդամ, կատարել է Ստամբուլ–Կիպրոս չվերթը։ Օդում կարկուտի հետևանքով կոտրվել է օդաչուների խցիկի ապակին և ինքնաթիռի առջևի հատվածը։ Օդանավի հրամանատարը որոշել է վերադառնալ Ստամբուլ։ Ինքնաթիռը բարեհաջող վայրէջք է կատարել, ոչ ոք չի տուժել։ Վայրէջքը կատարել է ուկրաինացի օդաչու Ալեքսանդր Ակոպովը։ Սոցցանցերում նրան անվանում են «Թուրքիայի հերոս»։-0-