Տաք հոսանքներն Աֆրիկայից լուսադեմին կներթափանցեն Հայաստան. Սուրենյան (ՖՈՏՈ)

ԵՐԵՎԱՆ, 18 հունվարի. /Նովոստի–Արմենիա/. Տաք հոսանքները Աֆրիկայից լուսադեմին կներթափանցեն Հայաստան։

«Մեր տաք հոսանքները Աֆրիկայի արևադարձային լայնություններից լուսադեմին կներթափանցեն Հայաստան», – Facebook–յան իր էջում հայտնել է Հայհիդրոմետկենտրոնի օդերևութաբանական կանխատեսումների բաժնի պետ Գագիկ Սուրենյանը։

Ինչպես հաղորդում է Հայհիդրոմետկենտրոնը, հունվարի 18–19–ը և 20–ի գիշերը առանձին շրջաններում ժամանակ առ ժամանակ սպասվում են թույլ տեղումներ, հնարավոր է քամու ուժգնացում մինչև 15–20 մ/վ։ Հունվարի 20–ի ցերեկը, 21–22–ը սպասվում է առանց տեղումների եղանակ։

Քամին կլինի հյուսիս–արևելյան` 3–8 մ/վ արագությամբ։

Հունվարի 18–20–ը օդի ջերմաստիճանն աստիճանաբար կբարձրանա 5–7 աստիճանով, Լոռիում, Տավուշում, Սյունիքում և Արցախում` 11–13 աստիճանով։

Երևանում հունվարի 20–ին ցերեկային ժամերին սպասվում է +12 աստիճան, գիշերը`  մինչև -1։ Հունվարի 18–19–ը և 20–ի գիշերը ժամանակ առ ժամանակ հնարավոր են թույլ տեղումներ, գիշերը` թաց ձյան տեսքով։–0–