Երևանում հունիսին կանցկացվի Silicon Mountains-2022 միջազգային խոշոր տեխնոլոգիական գագաթնաժողովը

ԵՐԵՎԱՆ, 2 հունիսի./Նովոստի-Արմենիա/. Երևանում հունիսի 17-ին կանցկացվի Silicon Mountains-2022 միջազգային խոշոր տեխնոլոգիական գագաթնաժողովը:

Ինչպես հաղորդում է telecom.arka.am հեռահաղորդակցական պորտալը՝ հղում անելով միջոցառման կազմակերպիչներին, միջոցառմանը հրավիրված խոսնակները՝ տեղական և միջազգային փորձագետները կքննարկեն թվային փոխակերպման կարևորությունն ու կներկայացնեն իրենց տեսլականը հետևյալ թեմաների շուրջ՝ «Թվային փոխակերպում», «Կիբերանվտանգություն», «Ֆինտեխ»:

Նախատեսված են առցանց և առկա պանելային քննարկումներ:

Տեխնոգագաթնաժողովի կազմակերպիչներն են ՏՀՏ գործատուների միությունը՝ ՀՀ ԿԲ-ի աջակցությամբ: Գործընկերն է CISCO ընկերությունը:-0-