Նախորդ շաբաթվա կարևոր նորությունների հնգյակը

ԵՐԵՎԱՆ, 12 դեկտեմբերի./Նովոստի–Արմենիա/. «Նովոստի–Արմենիա» գործակալությունը հրապարակում է նախորդ շաբաթվա կարևոր նորությունների հնգյակը։

• Դեկտեմբերի 6–ին անցկացվեց սահմանադրական փոփոխությունների հանրաքվեն, որոնցով նախատեսվում է անցում կատարել խորհրդարանական իշխանավարման։ ՀՀ ԿԸՀ–ն հրապարակեց քվեարկության նախնական տվյալները, որոնք առաջացրեցին բողոքի նոր ալիք։ Ոստիկանությունը նախազգուշացրեց ակցիայի ակտիվիստներին` նշելով, որ անթույլատրելի է խախտել հասարակական կարգուկանոնը։ Գլխավոր դատախազ Գևորգ Կոստանյանը հայտարարեց բոլոր ընտրախախտումները բացահայտելու մտադրության մասին։

• Զինված հարձակում է կատարվել «ՊրոԿրեդիտ բանկի» երևանյան մասնաճյուղերից մեկի վրա, ինչի կապակցությամբ հարուցվել է քրեական գործ։

• Համացանցում հրապարակվել են կադրեր, որոնցում երևում է, թե ինչպես են հայ զինվորականները գնդակոծում ադրբեջանական ռազմական ավանը, ինչպես նաև ոչնչացնում հակառակորդի այլ ռազմական օբյեկտներ։

• Հայաստանի ֆուտբոլի ֆեդերացիան ազգային հավաքականի նոր գլխավոր մարզիչ նշանակեց Վարուժան Սուքիասյանին։ Ռուսաստանցի մարզական մեկնաբան Արտուշ Մկրտչյանի կարծիքով` նոր մարզիչը սկզբունքորեն ոչնչով չի տարբերվի ներկա մարզչից։ Իսկ մարզական մեկնաբան Մենուա Մեհաբյանը կարծում է, որ հավաքականի գլխավոր մարզչի պաշտոնը պետք է զբաղեցներ օտարերկրացի մասնագետ` միջազգային մեծ փորձով։

• Հրապարակվել է ռուս զինծառայող Վալերի Պերմյակովի դատական նիստի ամսաթիվը։ Պերմյակովն այս տարվա հունվարի 12–ին Գյումրիում սպանել է յոթ մարդուց բաղկացած Ավետիսյանների ընտանիքին։ Հրապարակվել է նաև Պերմյակովի մեղադրական եզրակացության համառոտ բովանդակությունը։ –0–