Սամվել Բաբայանի համակիրների վրա հարձակման գործն ամբողջությամբ բացահայտված է. Վանեցյան

ԵՐԵՎԱՆ, 30 մայիսի. /Նովոստի-Արմենիա/. ՀՀ ազգային անվտանգության տնօրեն Արթուր Վանեցյանը հինգշաբթի հայտարարեց, որ Արցախի պաշտպանության նախկին նախարար, Արցախի հերոս Սամվել Բաբայանի համակիրների վրա հարձակման մասին գործն ամբողջությամբ բացահայտված է:

Ինչպես նշված է «Նովոստի–Արմենիա» գործակալություն ստացված հաղորդագրության մեջ, մայիսի 29-ի գիշերը՝ ժամը 03։30-ի սահմաններում, Սևանի մայրուղու Սևան- Մարտունի ճանապարհահատվածին կրակահերթեր են արձակվել Սամվել Բաբայանի համակիրների, զինակից ընկերների ուղղությամբ։

«ԱԱԾ-ն զբաղվում է այդ գործով, այն ամբողջությամբ բացահայտված է, միջադեպի մասնակիցների շրջանակը բացահայտված է, որևէ դավադրություն փնտրել պետք չէ: Դա վեճ է, որը ծագել է երկու խմբերի միջև ֆինանսական հարցերի լուծման արդյունքում», - բացատրեց նա` պատասխանելով կառավարության նիստից հետո լրագրողների հարցերին:

Ըստ Վանեցյանի, ոստիկանության և ԱԱԾ-ն անցկացված համատեղ միջոցառումների մանրամասների և արդյունքների մասին լրացուցիչ տեղեկատվություն կտրամադրվի առաջիկա ժամերին:

Ավելի վաղ Արցախի պաշտպանության նախկին նախարար, Արցախի հերոս Սամվել Բաբայանը չի բացառել Արցախում 2020թ.–ին նախատեսված նախագահական ընտրություններում իր մասնակցության հավանականությունը:-0-