Ռուսական կայքը ներառել է հայերին աշխարհի ամենաառեղծվածային ժողովուրդների 20–ակում

ԵՐԵՎԱՆ, 15 մարտի. /Նովոստի–Արմենիա/. «Ռուսկայա սեմյորկա» ռուսական կայքը ներառել է հայերին աշխարհի ամենաառեղծվածային ժողովուրդների 20–ակում։

Հոդվածում նշվում է, որ չնայած պատմաբանների և ազգագրագետների ջանքերին, այդ ժողովուրդների պատմությունը մինչև հիմա պարուրված է առեղծվածներով։

Հոդվածում նշում է, որ հայերի ծագումը մինչև հիմա առեղծված է, և վարկածները բազմաթիվ են։

«Ըստ որոշ գիտնականների` հայերը Ուրարտու հնագույն պետության ժողովուրդ են, սակայն ուրարտացիների գենետիկ բաղադրիչն առկա է հայերի գենետիկ կոդում այնքանով, որքանով խուրրիների և լուվիացիների գենետիկ բաղադրիչը, ինչպես նաև նախահայերինը։ Կա նաև վարկած, որ հայերը ծագել են հույներից, ինչպես նաև այսպես կոչված «Հայասայի հիպոթեզները», որոնցում հայերի նախահայրենիքը Հայասան է», – գրում է russian7.ru–ն։

Հոդվածում նշվում է, որ գիտնականներն այդպես էլ վերջնականապես չեն պարզել հայերի ծագման հարցը և ավելի հաճախ հակված են հայկական էթնոգենեզի խառը միգրացիոն հիպոթեզին։

Բացի հայերից, աշխարհի ամենաառեղծվածային ժողովուրդների քսանյակում են նաև ռուսները, մայաները, լապլանդացիները, պրուսները, ղազախները, պարսերը, գուցուլները, խեթերը, շումերները, էտրուսկները, գնչուները, հրեաները, բասկերը և ուրիշներ։–0–