ԵՐԵՎԱՆ, 3 հունվարի./Նովոստի–Արմենիա/. Ռուսական գազի գինը հայ սպառողների համար չի բարձրանա «Գազպրոմ Արմենիա» ընկերության («Գազպրոմի» դուստր ձեռնարկությունը, որը զբաղվում է գազի մատակարարմամբ և վաճառքով) ծախսերի կրճատման հաշվին, ՏԱՍՍ–ին տեղեկացրել է ՀՀ վարչապետի պաշտոնակատար Նիկոլ Փաշինյանի մամուլի քարտուղար Արման Եղոյանը։
Ավելի վաղ Նիկոլ Փաշինյանը տեղեկացրել էր, որ ռուսական գազի գինը Վրաստանի սահմանին կբարձրանա, սակայն ներքին սակագները կմնան անփոփոխ։
Загружается новость ... "Лево"
«Պետության կողմից սուբսիդավորման մասին խոսք չկա։ Սպառողների համար գազի գինը կմնա անփոփոխ «Գազպրոմ Արմենիայի» ծախսերի կրճատման և արդյունավետության բարձրացման հաշվին», – նշել է Եղոյանը։
Ինչպես ավելի վաղ հաղորդել էր «Գազպրոմի» մամուլի ծառայությունը, 2019 թ.–ի հունվարի 1–ից ռուսական գազի գինը Վրաստան–Հայաստան սահմանին կկազմի 165 դոլար հազար խորանարդ մետրի դիմաց` նախկին 150 դոլարի համեմատ։
«Գազպրոմ Արմենիա» ՓԲԸ–ն ռուսական «Գազպրոմ» ընկերության 100%–անոց դուստր ընկերությունն է։ «Գազպրոմ Արմենիա»–ն զբաղվում է գազամատակարարմամբ Հայաստանի ներքին շուկայում։ Ընկերությունը նաև իրականացնում է գազի տեղափոխում, պահպանում, բաշխում և իրացում, զբաղվում է գազատրանսպորտային համակարգի վերակառուցմամբ, ինչպես նաև գազի ստորգետնյա պահման հզորությունների ընդլայնմամբ։–0–