«ՀԿԵ» ՓԲԸ-ն աջակցում է Ոստիկանությանը հատուկ ուսումնական պոլիգոն ստեղծելու գործում
ԵՐԵՎԱՆ, 10 դեկտեմբերի. /Նովոստի-Արմենիա/. «Հարավկովկասյան երկաթուղի» ՓԲԸ-ն ՀՀ Ոստիկանության հետ համատեղ ստեղծում է հատուկ ստորաբաժանումների մարզումների համար նախատեսված ուսումնական պոլիգոն, հայտնեցին ընկերության մամուլի ծառայությունից:
«2 հազար քմ. տարածություն ունեցող պոլիգոնի ուսումնական հարթակը կահավորված է երկաթուղային գծերով, 2 տեսակի ուղևորատար վագոններով և 2-հարկանի շինությամբ: Շնորհիվ նոր ուսումնական պոլիգոնի՝ հայ ոստիկանները հնարավորություն են ստացել կատարելագործելու համակարգված մասնագիտական գործողությունները, ինչը թույլ կտա երաշխավորել հասարակության և քաղաքացիների անվտանգությունը»,-ասված է հաղորդագրությունում:
Բոլոր աշխատանքները կատարվում են «ՀԿԵ» ՓԲԸ-ի ֆինանսական աջակցությամբ և ընկերության մասնագետների ուժերով:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը:
Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:-0-
