ԵՐԵՎԱՆ, 14 ապրիլի. /Նովոստի Արմենիա/. «Ելք» ընդդիմադիր խմբակցության ղեկավար, «Քաղաքացիական պայմանագիր» կուսակցության առաջնորդ Նիկոլ Փաշինյանը շաբաթ առավոտյան ներկայացրել է նախօրեին սկսված շուրջօրյա ակցիայի մասնակիցների գործողությունների ծրագիրը:
Նիկոլ Փաշինյանի գլխավորությամբ վարչապետի պաշտոնին Սերժ Սարգսյանի հնարավոր առաջադրման դեմ հանդես եկող ցուցարարները ուրբաթ երեկոյան փակել են Երևանի Ֆրանսիայի հրապարակի երթևեկը։ Նրանք ամբողջությամբ արգելափակել են հրապարակի բոլոր հինգ մուտքերն ու նշանակել պատասխանատուներ յուրաքանչյուր հատվածի համար։ Դիմավորելով լուսաբացը Ֆրանսիայի հրապարակում, ցուցարարները շարունակել են ակցիան առավոտը:
Загружается новость ... "Лево"
Փաշինյանը տեղեկացրել է, որ 14.00-ին Ֆրանսիայի հրապարակում կսկսվի հանրահավաք ու կոչ է արել քաղաքացիններին մասնակցել դրան:
«Ավելի վաղ մենք հայտարարել ենք, որ ՀՀԿ-ի Խորհրդի նիստի ժամանակ մտադիր ենք շրջափակել Հանրապետական կուսակցության գրասենյակը: Սակայն մեր այդ հայտարարությունից հետո Խորհրդն «արտագաղթել է» Ծաղկաձոր, և մեր պլանները փոքր-ինչ փոխվել են», - ասաց նա:
Փաշինյանը նշել է, որ շաբաթ հանրահավաքից հետո՝ ժամը 16.30-ին «Հարսնաքար» ռեստորանից նախատեսվում է Երևանից Ծաղկաձոր մասշտաբային ավտոերթ կազմակերպել:
«Միաժամանակ ցուցարարների մի մասը կմնա Ֆրանսիայի հրապարակում: Մասնակիցների հետագա քայլերն ավելի ուշ կորոշվեն», - հավելեց Փաշինյանը:
Ներկա պահին Ֆրանսիայի հրապարակ տանող բոլոր երեք փողոցները շարունակում են փակ մնալ: Երթևեկը փակ է Մաշտոցի պողոտայում, Սայաթ-Նովայի փողոցում ու Բաղրամյան փողոտայում:-0-
