Փակ է Ստեփանծմինդա-Լարս ավտոճանապարհը. հանրապետության որոշ մարզերում ձյուն է տեղում

12.11.2015, 10:22
ՀՀ տարածքային կառավարության և արտակարգ իրավիճակների նախարարությունը, հղում անելով Վրաստանի ՆԳՆ ԱԻ դեպարտամենտից ստացված տեղեկատվությանը, հայտնում է, որ առավոտյան ժամը 10–ի դրությամբ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար:
Փակ է Ստեփանծմինդա-Լարս ավտոճանապարհը. հանրապետության որոշ մարզերում ձյուն է տեղում

ԵՐԵՎԱՆ, 12 նոյեմբերի. /Նովոստի–Արմենիա/. ՀՀ տարածքային կառավարության և արտակարգ իրավիճակների նախարարությունը, հղում անելով Վրաստանի ՆԳՆ ԱԻ դեպարտամենտից ստացված տեղեկատվությանը, հայտնում է, որ առավոտյան ժամը 10–ի դրությամբ Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար:

«Անանցանելի է Սոթք-Քարվաճառ ավտոճանապարհը: Դժվարանցանելի է Վարդենյաց լեռնանցքը», – նշվում է հաղորդագրության մեջ։

Թույլ ձյուն է տեղում Շիրակի մարզի Ամասիայի տարածաշրջանում: Գորիս-Սիսիան և Մարտունի-Գավառ ավտոճանապարհներին տեղ-տեղ առկա է մերկասառույց:

«ՀՀ ՏԿԱԻ նախարարությունը վարորդներին խորհուրդ է տալիս վերոնշյալ ճանապարհահատվածներով երթևեկել միայն խիստ անհրաժեշտության դեպքում` ձմեռային անվադողերով», – նշվում է հաղորդագրության մեջ։ –0–