Օդերևութաբանները կտրուկ վերանայել են եղանակի կանխատեսումն Ամանորին

ԵՐԵՎԱՆ, 28 դեկտեմբերի. /Նովոստի–Արմենիա/. Նախօրեին հաղորդվել էր, որ դեկտեմբերի 28–31–ը, ինչպես նաև հունվարի 1–ին Հայաստանի ողջ տարածքում սպասվում է առանց տեղումների եղանակ։


Սակայն արդեն այսօր Հայպետհիդրոմետը տեղեկացնում է, որ դեկտեմբերի 31–ի գիշերը, ինչպես նաև հունվարի 1–2–ը Հայաստանի ողջ տարածքում, այդ թվում` Երևանում, սպասվում են տեղումներ։ Որոշ մարզերում կանխատեսվում է ձնախառն անձրև, Երևանում` անձրև։ Քամին կլինի հարավ–արևմտյան` 3–8 մ/վ արագությամբ։

Միաժամանակ դեկտեմբերի 28–30–ը օդի ջերմաստիճանն աստիճանաբար կբարձրանա 4–5 աստիճանով։ Երևանում տարվա վերջին օրերին ցերեկը սպասվում է +10...+14 աստիճան, գիշերը` +3...+5։–0–