Նախօրեին Երևանում վրաերթի ենթարկված 9 տարեկան տղան ծայրահեղ ծանր վիճակում է

ԵՐԵՎԱՆ, 6 դեկտեմբերի. /Նովոստի–Արմենիա/. Նախօրեին Երևանի Արամ Խաչատրյան փողոցում վրաերթի ենթարկված 9 տարեկան տղան ծայրահեղ ծանր վիճակում է։

ՀՀ ԱԻՆ Փրկարար ծառայության հաղորդմամբ, տուժածը հոսպիտալացվել է «Արաբկիր» ԲԿ, այնուհետև «Սբ. Աստվածամայր» ԲԿ, որտեղ ճգնաժամային կառավարման ազգային կենտրոնի օպերատիվ խմբի հետ ժամանած հոգեբանական աջակցության բաժնի հրահանգիչը հոգեբանական աջակցություն է ցուցաբերել տուժածի հարազատներին։

Բժիշկները երեխայի առողջական վիճակը գնահատել են ծայրահեղ ծանր:–0–