Նախորդ շաբաթվա կարևոր նորությունների հնգյակը

10:00

04 Փետրվարի 2017

ԵՐԵՎԱՆ, 4 փետրվարի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։

Փետրվարի 1–ին ԼՂՀ ՊՆ–ն հայտնեց, որ ադրբեջանական ԶՈւ–ն ղարաբաղա-ադրբեջանական հակամարտ զորքերի շփման գծում հետախուզա-դիվերսիոն ներթափանցման փորձ է ձեռնարկել։ Կազմակերպված հակադիվերսիոն գործողության արդյունքում առաջնագիծը պաշտպանող հայկական ուժերին հաջողվել է գերեվարել ադրբեջանական բանակի զինծառայող, 1995 թվականին Բարդա քաղաքում ծնված Էլնուր Հուսեյնզադեին: Այնուհետև հայտնի դարձավ, որ Բաքուն հրաժարվում է սեփական զինծառայողից` նշելով, որ նա, որպես կարգազանց զինծառայող, զորացրված է եղել Զինված ուժերի շարքերից և ներկա ժամանակ տվյալ անձը հաշվառված չէ Ադրբեջանի Զինված ուժերում: ԼՂՀ ՊԲ տեղեկատվության և հասարակայնության հետ կապերի բաժնի պետ Սենոր Հասրաթյանն իր հերթին մեկնաբանել է այս իրավիճակը` նշելով, որ Բաքուն անելանելի վիճակում պատրաստ է հրաժարվել սեփական զինվորից։ Ավելի ուշ ադրբեջանական ԶԼՄ–ներին հարցազրույց է տվել գերեվարված զինծառայողի մայրը ու հերքել պաշտոնական Բաքվի վարկածը։ ԼՂՀ ԱԱԾ–ն իր հերթին հաղորդագրություն է տարածել` նշելով, որ Հուսեյնզադեն ձերբակալված է։

ՀՀ–ում ԱՄՆ դեսպանատունը հայտարարել է, որ փոխել է վիզաների տրամադրման կարգը Թրամփի հրամանագրից հետո։

«UTair» ավիաընկերությանը պատկանող «Boeing 737» օդանավը, որը պետք է կատարեր Մոսկվա–Երևան չվերթը, փետրվարի 1–ի առավոտյան չի կարողացել օդ բարձրանալ կոտրված փականների պատճառով։ Ավելի ուշ, սակայն, ավիաընկերությունից հերքել է այս տեղեկությունը։

Փետրվարի 2–ին հաղորդագրություն տարածվեց այն մասին, որ Սյունիքում զինվորներ տեղափոխող «ՈւՐԱԼ» է ընկել գետը, շուրջ 26 զինծառայող հոսպիտալացվել է։ Ավելի ուշ, ՀՀ ՊՆ մամուլի քարտուղար Արծրուն Հովհաննիսյանը հերքեց` նշելով, որ տեղի ունեցածը վթար չի եղել և ոչ մեկ չի տուժել, որևէ զինծառայող չի հոսպիտալացվել։

ՀՀ ԿԳ նախարարությունը հաղորդել է, որ ապրիլյան պատերազմի մասնակից 475 ուսանողներ ուսման վարձի զեղչ են ստացել։–0–

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Հայաստան #կարևոր նորություն #նախորդ շաբաթ

Новости СМИ2

Partners News

Թեմատիկ նյութեր