ԵՐԵՎԱՆ, 6 դեկտեմբերի. /Նովոստի–Արմենիա/. Նախնական տվյալներով, Շիրակի մարզի 100 ընտրատեղամասերի ձայների հաշվարկի արդյունքում, հաղթում են սահմանադրական բարեփոխումների կողմնակիցները, հաղորդում է «Շանթ» հեռուստաալիքը։
Հեռուստաալիքի տվյալներով` բարեփոխումներին կողմ է քվեարկել 15342 մարդ (63,3 տոկոսը), դեմ` 8906–ը` (36,7 տոկոսը)։
Սակայն Շիրակի մարզկենտրոնի` Գյումրի քաղաքի չորս ընտրատեղամասերի ձայների հաշվարկը ցույց է տալիս, որ այնտեղ դեռևս ավելի շատ են բարեփոխումների հակառակորդները։
Կիրակի Հայաստանում անցկացվեց սահմանադրական բարեփոխումների հանրաքվեն, ըստ որոնց նախատեսվում է անցում կատարել խորհրդարանական իշխանավարման։–0–
