Քոչարյանին գրավի դիմաց ազատելու միջնորդության հարցով նիստը կրկին տեղափոխվեց

ԵՐԵՎԱՆ, 9 դեկտեմբերի./Նովոստի–Արմենիա/. Երևանի ընդհանուր իրավասության դատարանը տեղափոխեց Հայաստանի նախկին նախագահ Ռոբերտ Քոչարյանին գրավի դիմաց ազատելու վերաբերյալ փաստաբանների միջնորդության քննարկումը հունվարի 10–ին։

«Դատախազությունը և քննիչը դատավորի ինքնաբացարկի միջնորդություն են ներկայացրել։
Քննարկվեց այդ հարցը, պաշտպանության կողմը դեմ հանդես եկավ միջնորդությանը։ Դատարանը հեռացավ որոշում ընդունելու, որը կհրապարակվի վաղը ժամը 14։00–ին»,– ասաց Քոչարյանի փաստաբան Հայկ Ալումյանը։


Նրա խոսքով, եթե դատավորի ինքնաբացարկի միցնորդությունը բավարարվի, ապա վաղը նիստը նույնպես չի կայանա։

«Միջնորդության հիմքն այն էր, որ մեկ այլ կասկածյալի գործի քննութւյան դեպքում դատավորը հայտարարեց ինքնաբացարկ, հայտարարելով, որ իրենք ընտանիքներով ընկերություն են արել։ Չեմ կարող ասել, թե ում նկատմամբ»,– ասաց Ալումյանը, նշելով, որ խոսքը մարտի 1–ի գործով կասկածյալի մասին է։ -0-