Կատարվում է քննություն պարզելու ՔԿՀ աշխատակցի կողմից ինքնասպանության փորձ կատարելու հանգամանքները

ԵՐԵՎԱՆ, 2 օգոստոսի. /Նովոստի–Արմենիա/. ՀՀ քննչական կոմիտեի Լոռու մարզային քննչական վարչությունում քննություն է տարվում պարզելու «Վանաձոր» ՔԿՀ-ի պահպանության ապահովման բաժնի կրտսեր մասնագետ Հ. Հովհաննիսյանի կողմից ինքնասպանության փորձ կատարելու հանգամանքները, հաղորդում է ՀՀ ՔԿ մամուլի ծառայությունը։

2016 թվականի օգոստոսի 2-ին՝ ժամը 10:00-ին, Վանաձորի շտապօգնության ծառայությունից ահազանգ է ստացվել այն մասին, որ մարմնի բազմաթիվ կտրած վնասվածքներով հիվանդանոց է տեղափոխվել 1962 թվականին ծնված Հ. Հովհաննիսյանը:

«Վանաձոր» ՔԿՀ-ի աշխատակիցը երկտող է թողել, որից հետո կտրել պարանոցի և ձեռքի երակները (ԼՈւՍԱՆԿԱՐ)>>

Անմիջապես դեպքի վայր է մեկնել քննչական խումբը: Դեպքի վայրի զննությամբ հայտնաբերվել են ձեռագիր գրառումներով փաստաթղթեր, որոնցում նշված է, որ ինքնասպանություն գործելու մեջ որևէ մեկը մեղավոր չէ:

Կատարվում է քննություն պարզելու Հ. Հովհաննիսյանի կողմից ինքնասպանության փորձ կատարելու հանգամանքները:–0–