Կաշառք ստացած առողջապահության փոխնախարարն ազատվել է պաշտոնից

ԵՐԵՎԱՆ, 13 ապրիլի. /Նովոստի-Արմենիա/. Արսեն Դավթյանն ազատվել է առողջապահության նախարարի տեղակալի պաշտոնից: Որոշումն այդ մասին ստորագրել է վարչապետ Նիկոլ Փաշինյանը:

Հիշեցնենք՝ այս տարվա մարտի 30-ին բուժհաստատություններից մեկի ղեկավարը Արսեն Դավթյանին վերջինիս աշխատասենյակում որպես կաշառք անձամբ տվել է առանձնապես խոշոր չափերով գումար: Նույն օրը բերման ենթարկված փոխնախարարը ձերբակալվել է, իսկ ապրիլի 2-ին՝ կալանավորվել: Վերջինս փոխնախարար է նշանակվել 2018 թվականի մայիսին:-0-