Նախորդ շաբաթվա կարևոր նորությունների հնգյակը

ԵՐԵՎԱՆ, 8 հուլիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա (հուլիսի 3–7) կարևոր նորությունների հնգյակը։

• Ապրիլյան պատերազմից հետո Ադրբեջանն առաջին անգամ ՏՌ-107 կայանքներ է կիրառել։ Մի քանի օր անց`հուլիսի 7–ին, հակառակորդը արցախա-ադրբեջանական հակամարտ զորքերի շփման գծում կրկին խախտել է հրադադարի պահպանման ռեժիմը՝ օգտագործելով ինչպես հրաձգային զինատեսակներ, այնպես էլ Դ-30 և Դ-44 տիպի հրանոթներ, տարբեր տրամաչափի ականանետեր ու նռնականետեր, ինչի հետևանքով վիրավորվել է ՊԲ 3 զինծառայող, որոնց վիճակը ծանր է։

• Հայաստանը հուլիսի 5–ին նշեց կրկնակի պետական տոն` Սահմանադրության օրն ու Պետական խորհրդանիշերի օրը։

• ՀՀ ԱԺ–ն հավանություն տվեց Սևանից լրացուցիչ ջրառ իրականացնելու մասին նախագծին։
  

• Երկրաշարժ է գրանցվել Գյումրու մոտակայքում, ստորգետնյա ցնցման ուժգնությունը կազմել է 5 բալ։

• Երևանի հելիոպանելային առաջին կանգառում հնարավոր կլինի գաջեթներ լիցքավորել։–0–