ԵՐԵՎԱՆ, 13 դեկտեմբերի. /Նովոստի-Արմենիա/. ՀՀ կառավարաությունը այսօր կայացած նիստի ժամանակ որոշել է 50 մլն դրամ (ավելի քան 100 հազար դոլար) հատկացնել ապրիլյան քառօրյա պատերազմի մասնակիցների, ինչպես նաև բազմազավակ ուսանողների ուսման վճարը փոխհատուցելու համար:
«Ֆինանսական միջոցները կուղղվեն անվճար բարձրագույն կրթական համակարգում չներառված, սակայն բարձր առաջադիմություն ունեցող ուսանողերի ուսման վճարը մասնակի փոխհատուցմանը, որոնք երկու և ավել երեխա ունեն, ինչպես նաև այն ուսանողներին, ովքեր 2016 թ.-ի ապրիլիբ 2-ից 6-ը մասնակցել են մարտական գործողություններին կամ մարտական հերթապահություն են իրականացրել», - նախագիծը ներկայացնելիս ասաց կրթության և գիտության նախարարի պաշտոնակատար Արայիկ Հարությունյանը:
Ըստ նրա, երկու և ավել երեխա ունեցող 112 ուսանողների ուսման վճարն ամբողջությամբ կփոխհատուցվի, իսկ 2016 թ.-ին մարտական հերթապահություն անցկացրած մոտ 650 ուսանող կստանա 20% զեղչ:
«Բուհերի մեծ մասը մարտական գործողությունների մասնակիցներին տրամադրում է 50% զեղչ, իսկ մարտական հերթապահություն իրականացրածներին` 30%», - ասաց նախարարի պաշտոնակատարը:-0-
