Ժամը 17:00-ի դրությամբ ԱԺ արտահերթ ընտրություններին մասնակցել է ընտրողների 39,54%–ը. ԿԸՀ

ԵՐԵՎԱՆ, 9 դեկտեմբերի. /Նովոստի-Արմենիա/. Ժամը 17։00-ի դրությամբ Հայաստանի արտահերթ խորհրդարանական ընտրություններին քվեարկել է 1 025 002  քաղաքացի կամ ընտրողների 39,54%–ը, հայտնեց ԿԸՀ քարտուղար Արմեն Սմբատյանը: 

Ըստ ԿԸՀ թվյալների, ընթրություններին մասնակցելու իրավունք ունեցող թիվը կազմում է 2 592 479 քաղաքացի:

«Երևանի առաջին ընտրատարածքում քվեարկել է ընտրողների 39,1%–ը (78 382 ընտրող), երկրորդ ընտրատարածքում` 39,25% (83 835), երրորդում` 37,15% (83 661) և չորրորդում` 36,84% (77 445)», – նշեց Սմբատյանը։ 

ԿԸՀ տվյալներով, Արարատի մարզում քվեարկել է ընտրողների 40,26%–ը (89 198), Արմավիրի մարզում` 34,99% (82 002), Արագածոտնում` 43,13% (50 750), Գեղարքունիքում` 42,39% (81 030), Լոռիում` 40,02% (95 016), Կոտայքում` 39,67% (95 745), Շիրակում` 36,99% (85 002), Վայոց Ձորում և Սյունիքում` 46,46% (75 147) և Տավուշում` 44,4% (48 292)։–0–