ԵՐԵՎԱՆ, 27 սեպտեմբերի./Նովոստի–Արմենիա/. Telegram–ը Հայաստանում դառնում է մեդիաազդեցության լուրջ հարթակ, www.teleсom.arka.am կայքին տված հարցազրույցում հայտարարել է մեդիափորձագետ, տեղեկատվական անվտանգության փորձագետ Սամվել Մարտիրոսյանը։
Նրա խոսքով, մինչև հեղափոխական շարժումը Հայաստանումը Telegram–ը շատ քիչ էր զարգացած, գործում էր ընդամենը մի քանի հայկական ալիք։
Սակայն փոձագետի խոսքով, շարժումը, որը համընկավ ՌԴ–ում և Իրանում Telegram–ի արգելափակման հետ, հանգեցրեց հետաքրքրության կտրուկ աճի ոչ միայն ցանցի արգելափակման շուրջ առաջացած խոշոր սկանդալների, այլև օպերատիվ, արագ տեղեկատվության կապի հաշվին, որը չի պահանջում լուրջ պատրաստվածություն։
«Բնական է, որ Telegram–ը չի կարող մրցել Facebook–ի հետ, սակայն ինչ–որ ասպեկտներում այն ավելի լավ է, մասնավորապես, ավելի լավ կոնվերսիայի հաշվին։ Այսինքն, ավելի մեծ թվով ընթերցող է տեսնում այն, ինչ տեղադրվում է Telegram–ի ալիքում, ի տարբերություն Facebook–ի, որը ցույց է գալիս գրառումները կոնկրետ էջի շատ քիչ թվով ընթերցողների։ Բացի այդ, Telegram–ը դիվերսիֆիկացիայի հնարավորություն է լրատվամիջոցների համար, քանի որ այսօր կախվածությունը Facebook–ից շատ մեծ է, և ԶԼՄ–ները հաճախ պարզապես ի վիճակի չեն հետևել Facebook–ի ալգորիթմերի փոփոխություններին, որոնք հանգեցնում են տրաֆիկի կտրուկ անկման», – նշեց Մարտիրոսյանը։
Նրա խոսքով, Հայաստանում շատ քիչ են մասնագիտացված կամ անհատական ալիքները` բլոգ–հարթակները, հենց այդ պատճառով դեռևս լուրջ աճ չկա, որը հնարավոր կլինի ակնկալել նոր ստեղծվող ալիքների զարգացումից հետո։
Նա նշեց, որ այսօր Telegram–ում հայտնի են միայն լրատվական ալիքները, ընդ որում այդ ոլորտում առկա է լսարանի սեգմենտավորում` ռուսալեզու (որը սովորական է Telegram–ի համար) և երկրորդը` հայալեզու, որը դեռ նոր է հարմարվում այդ սոցցանցին։
Ինչ վերաբերում է հայաստանցի օգտատերերի վիճակագրությանը, ապա, Մարտիրոսյանի խոսքով, դա ոչ այնքան մեծ հատված է` այլ տեղեկատվական սոցիակալական հարթակների հետ համեմատ, ընդամենը մի քանի տասնյակ հազար օգտատեր, սակայն գրանցվում է մշտական ու դինամիկ աճ։
Մարտիրոսյանի խոսքով, Telegram–ի լսարանը Հայաստանում կշարունակի աճել, դրան օգնում է նաև ռուսալեզու սփյուռքը, որը վաղուց օգտվում է Telegram ալիքներից ՌԴ–ում։
«Աճը կտրուկ չի լինի, սակայն պարտադիր կգրանցվի, ընդ որում` թռիչքաձև։ Պարբերաբար կհայտնվեն նոր ու հետաքրքիր ալիքներ, որոնք կգրավեն նոր օգտատերերի, սակայն չարժե սպասել, որ Telegram–ը Հայաստանում կհասնի Facebook–ի կամ Instagram–ի հաջողության։ Միաժամանակ, մեդիաազդեցությամբ Telegram–ը դառնալու է զգալի և լուրջ հարթակ Հայաստանում», – նշեց Մարտիրոսյանը։
Միաժամանակ, www.teleсom.arka.am պորտալը ներկայացրել է իր խորհուրդները Telegram–ի լրատվական ալիքներին բաժանորդագրվելու համար, որոնց թվում են` Infocom–ը, Баграмяна 26–ը, Armenia Today–ը, Breaking News Armenia–ն, Армения Сенсации–ին։–0–
