ԵՐԵՎԱՆ, 15 նոյեմբերի. /Նովոստի–Արմենիա/. Շուտով Պսկովից Հայաստան կտեղափոխվեն հյուսիսային եղջերուներ։
«Բիզնես Պսկով» հրատարակության հաղորդմամբ, եղջերուները ծնվել և մեծացել են «Իզբորյան ջայլամ» պսկովյան էկոֆերմայում, որի շրջանակում գործում են մի քանի ֆերմերային տնտեսություններ, որոնք զբաղվումե ն հյուսիսային եղջերուների, սև աֆրիկյան ջայլամների, ինչպես նաև ռոմանովյան ցեղատեսակի ոչխարների բուծմամբ։
«Հայաստանցի ձեռներեցը, ով ցանկանում է ձեռք բերել էկզոտիկ կենդանիներին, ընտրել է հենց մեր հյուսիսային եղջերուներին, քանի որ կենդանիները լավ ընտելացած են, ադապտացված են կերերին և ջերմային ռեժիմին, որը տարբերվում է Հեռավոր Հյուսիսի բնությունից», – նշել է ֆերմայի կառավարիչ Եվգենի Պրոկոֆևը։
Նրա խոսքով, նոյեմբերի ընթացքում Պսկովից Հայաստան կտեղափոխվեն վեց հյուսիսային եղջերուներ։ –0–